香港露營專區

【露營地點】6大私人露營營地 – 陪你度過悠閒假期

復活節加埋清明長假期,當然想同一家大細又或者與朋友三五成群一齊露營嘆下啦!但係每逢佳節露營人數必倍升,就算你是打了疫苗,無懼肺染傳播風險,相信與百人共享營地的擠迫感也難以令你度過一個舒暢的週末。如果唔想同人逼,又怕要一早起身趕上山搶營位的話,私人營地絕對係你嘅靈丹妙藥!今日就向大家介紹香港其中七個露營私人營地,等大家可以輕鬆、暢快地同家人朋友一齊度過呢個陪你度過悠閑復活節!

【露營地點】露營係同一家大細又或者與朋友聚首一堂,放鬆玩樂嘅活動之一。但係每逢佳節露營人數倍增升,平時喺市區都已經要塞車、迫巴士,生活充滿壓迫感,而家去到郊外都難吸一口新鮮空氣,又點能夠鬆一口氣?更何況現時仍有肺染傳播風險,相信與百人共享營地的擠迫感也難以令你度過一個舒暢的週末。

如果唔想同人逼的話,私人營地絕對係你嘅靈丹妙藥!雖然大陪分私人露營營地都要付上數十至數百元不等嘅入場費,但就可以供你一個充裕嘅空間與家人朋友chill一chill,加上私人營地嘅衛生、遊樂設備更齊全,而且亦有露營裝備租借、甚至預約居住特色帳篷,兩手揈也能去露營,確實係解憂良方!

今日Glide就向大家介紹香港六個露營私人營地,等大家可以輕鬆、暢快地同家人朋友一齊度過呢個假期!


香港露營 | 露營地點 丨私人營地 丨非官方營地

1. 東華三院馬草壟營地

位於上水馬草壟嘅東華三院馬草壟營地係東華三院首個汽車露營營地,大家除左可以自攜露營用品之外,仲可以駕車入營,唔洗好似平時去官方營地咁,通常都要攀山越嶺先到達,最適合一家大細展開輕裝露營新體驗!此外營地仲設有多用途活動室、歷奇活動設施、定點射擊訓練區等等設施,可以同小朋友一齊遊玩鍛練,咁就唔洗驚露營無節目啦!

東華三院馬草壟營地資訊:
位置:
上水馬草壟路33號
交通
方法一:由上水港鐵站乘坐51B往馬草壟綠色專線小巴,於東華三院馬草壟營地下車。車程15分鐘。
方法二:由上水港鐵站乘坐的士,全程車資約$40。
方法三:汽車露營人士泊車費為$160一天
設施:多用途活動室、歷奇活動設施、煮食區、耕種區、定點射擊訓練區等等
衛生設施:淋浴區(冷水淋浴)、洗滌區
入住時間:3:00pm – 10:00pm
離營時間:13:00pm
露營費用:一般露營/$120 汽車露營/$160
營地網址:https://www.facebook.com/twghs.matsolung
按此獲得更多場地動態及資訊
東華三院馬草壟營地營期及收費詳情

2. 活機園

嚟到活機園營地係一個可以同小朋友親親大自然嘅私人營地,呢到除咗配備左過萬呎休閒活動空間同獨立營地,必定唔洗同人逼,有充裕空間之外,仲有魚塘、山羊小豬飼養居、士多啤梨園等等地方,小朋友就可以喺牧場中扮演一日農夫,係復活節中嘅特別體驗!此外呢度嘅大型廚房及冷熱水浴室都係其中賣點,因為終於不必再如官方營地般,用露營廚具煮食,同埋露營期間終於可以沖個熱水涼,將整個露營體驗嘅享受一大提升呀!

活機園營地資訊:
位置:元朗錦田大江埔村 活機園有機農場 Casa Lohas
交通:
方法一:
54巴士往返元朗(西)/ 上村 77K 巴士往返元朗(西)/ 祥華 64K巴士往返元朗(西)/ 大埔 251M 巴士往返青衣鐵路總站,以上路線在(大江埔)下車,步行15分鐘至農場。
方法二:602號小巴 往返元朗(鳳翔路)/大江埔(酒房下車)
方法三:的士於錦上路西鐵站上車,大江埔(酒房下車),約20元左右
設施:魚塘、香草園、山羊及小豬飼養區、士多啤梨園、大型戶外廚房、過萬呎休閒活動空間及獨立營地等等
衛生設施:24小時冷熱水浴室及無障礙洗手間
露營費用:活動及露營收費請先致電查詢和預約
聯絡方法:51981231
營地網址:https://david4817.wixsite.com/casalohas
按此獲得更多場地動態及資訊

3. Autocamper 大江埔

以上兩個私人營地都較為適合一家大細探訪,接下來嘅Autocamper 大江埔營地就絕對係愛車人士嘅首選。Autocamper 大江埔營地係位於元朗嘅營地,呢個私人營地嘅特色就係營位收費係以車計算,因為呢度除左可以自攜普通帳篷外,營友仲可以自備車頂營露營,亦都准許現時日本十分流行,而香港亦逐漸興起嘅車中泊作露營之用。此外Autocamper亦能租借車頂營、雪櫃、地營、BBQ爐、露營椅桌、移動電源等等設備,適合一眾嚮往能四海為家,同自己嘅愛車四處流浪嘅車主,有一個難忘且獨特嘅露營體驗。

Autocamper 大江埔營地資訊:
位置:元朗錦田大江埔村江大路 321號 怡樂大江埔農莊
交通:
方法一:專線小巴 602號 往大江埔,於西鐵-錦上路站或元朗鳳翔路總站上車,於大江埔總站落車,落車後行入建花園三期(直入),步行3分鐘即到。
方法二:駕車於錦田江大路入建花園三期(直入前行), 於大江埔 316號後面
可租用裝備:車頂營、雪櫃、地營、BBQ爐、露營椅桌、移動電源等等
衛生設施:熱水淋浴、廁所及水源提供
入住時間:3:00pm – 6:00pm
離營時間:8:00am-12:00pm
日營時間: 1:00pm – 9:00pm
露營費用:星期日至四 $400/車 星期五至六$600/車
收費以每車算,每車包4個三歲以上成人入營及最多紮2個標準2人營或1個4人營(營帳自備),一般每車營友可佔用空間約500呎左右,無揸車朋友,營費跟以上一樣,但包6個人紮最多3個營
營地收費詳情
營地網址:https://autocamper.hk/pages/taikongpofarm
按此獲得更多場地動態及資訊
Autocamper預約申請表 (大江埔營地)

4. 長洲西園

相信唔少露營同Glamping嘅愛好者都會聽過長洲西園呢個大名。呢度雖然係私人露營營地,但佢所推出嘅豪華特色帳篷,喺glamping 界享負勝名,令其熱度絕對不比官方營地差。但除咗glamping 外,佢設有嘅四款特色自攜帳篷營區亦值得各位關注!四個營地分別係,海景營區、未來營區、悠閑營區同埋綠野營,每個營地都各具特色,適合想擁有各種非凡露營體驗嘅你!此外長洲西園亦設有不同歷奇設施及康樂活動,但係就需要額外收費,欲意前往嘅大家就要多加留意啦!

長洲西園營地資訊:
位置:長洲西灣 DD CC Lot 12, 西園
交通:
方法一:於中環5號碼頭乘船往長洲 (快速船航程約35分鐘,普通渡輪航程約1小時),從長洲碼頭往右邊直路走至長洲街市。接著沿海傍「長洲西堤路」往西灣方向走至盡頭,看到「快樂士多」即可左轉上「贊端路」。於斜路頂端看到西園的大紅色趟籠門便到。全程步行約 20 至 25 分鐘。
方法二:從長洲碼頭右旁之公眾碼頭 (白色陽篷下),乘坐「華勝街渡」至「西灣碼頭 ∕ 張保仔洞」(行船約 10 分鐘),由西灣碼頭左接「贊端路」途經「西堤路」大牌坊及「美經援村」,上斜見西園的大紅色趟籠門便到。行程約 4 分鐘。
自攜營區:海景自攜營區、未來自攜營區、悠閒自攜營區、綠野營
設施:13A插座(未來自攜營區)、場內購物中心、汽水機、歷奇活動設施(另加收費)等等
衛生設施:24小時冷熱水浴室、洗手間、24小時飲用冷熱水供應
入住時間: 3:00pm – 6:00pm
離營時間:9:30am – 11:30am
入場門票:$48
露營費用:$300起
營地收費詳情
營地網址:https://www.saiyuen.com/zh-hk
按此獲得更多場地動態及資訊
長洲西園營地預約申請

5. 小白兔音樂農莊

小白兔音樂農莊相信係6個私人營地中最受小朋友歡迎嘅,因為裡面除左純粹嘅露營活動外,更有大型繩網、彈床、圖書閣、玩具閣、氹氹轉、海盜船、動物餵飼等等嘅設施比遊人參與,家長喺露營之外仲可以同小朋友進行一連串嘅活動促進親子關係,大家可以喺呢個復活節返老還童,同小朋友一齊度過一個屬於你同佢獨有嘅露營童樂日!

小白兔音樂農莊營地資訊:
位置:元朗八鄉橫台山芝麻嶺1號
交通:
方法一:
西鐵錦上路站轉的士約$45
方法二:608 小巴,在元朗阜財街何明記或中途站西鐵錦上路站上車,坐至總站
方法三:54/251B巴士,芝麻嶺站落車
方法四:駕車前往,備有停車場
設施:露營地點、雪櫃、食用熱水、大型繩網、彈床、圖書閣、玩具閣、動物餵飼等等
衛生設施:沖涼設施、洗手間
入住時間: 3:00pm
離營時間:11:00am(收營不用離營)
入場門票:假日及公眾假期每位加$20
露營費用:成人/$180 兒童(3-11歲)/$120 竉物/$40 泊車/$80
營地網址:https://www.bunnywonderland.com/
按此獲得更多場地動態及資訊
小白兔音樂農莊營地申請

6. Trees Farm 森林童話村

Trees Farm 森林童話村嘅營地面積有10萬呎,內有大草原供來賓自攜帳幕用,亦有已搭建好的帳幕,佢所租借嘅蒙古包體驗營及服務式帳幕絕對能令大家喺郊區中找到夢幻嘅童話式體驗!

Trees Farm 森林童話村資訊:
位置:大嶼山長沙上村 Trees Farm 森林童話村
交通:
方法一:於東涌市中心巴士站乘搭11 號、11A、23號巴士,在長沙上村下車
設施:冷水供應、熱水供應時間(Mon-Fri: 10am-5pm/Sat- Sun: 10am – 6 pm)、營內小食商店、燒烤場等等
衛生設施:洗手間、24小時開放浴室
入住時間: 3:00pm
離營時間:11:00am(收營不用離營)
入場門票:假日及公眾假期每位加$20
露營費用:兩日一夜每位$90( 自攜帳幕 )
預約詳情:Whatsapp 6936 7633查詢預約
按此獲得更多場地動態及資訊


露營用品+露營裝備

露營新手唔少得的當然係露營裝備清單!檢查清楚有沒有帶少了露營裝備,可以考慮參考利用下面的裝備清單!如果唔想買,亦可以考慮租借!

露營裝備租借

新手露營最好就係先租借裝備,去完先再考慮會唔會加購。因為露營用品、露營裝備都比較大件,需要一定的位置去放置。如果能夠租借裝備,又可以享受到衛生及乾淨(超緊要的!!)的用品,真係又平宜方便又環保!

宜家仲可以用Glide Discount Code享受獨家優惠



露營禮儀:

近年,露營遂成為最新潮流。新手露營者如果未清楚可以先了解露營禮儀才出發,讓我們都能夠尊重大自然,為他人、大自然做多一步。

1. 計劃好所需食物份量及自備器具

預先做資料搜集,了解營地設備,再計劃需帶備多少食物及器具,避免產生廚餘,減少在山上製造垃圾。如要帶備食物,應先在家中丟棄不必要的包裝紙,以可循環再用容器盛載食物上山。

2. 帶走你的垃圾

不單是指將垃圾丟進垃圾箱或回收箱,而是要將垃圾帶回市區,因為郊區的垃圾箱未必經常有人清理,帶走垃圾可避免野生動物誤吃而影響生態。另外,郊區的垃圾箱多設於山上或偏遠地區,清潔工人收集垃圾過程會變得更困難,假若每個露營人士也留下大量垃圾,這根本就是將自己的快樂建築於他人的痛苦上。

3. 遵守生火規則

嚴禁直接在地面生火,此舉不單違法,更有可能引致山火。另外,若在草地上生火,燃燒時的高溫會影響泥土內的生物,亦會損害草地植披,燒毀後只會留下一處沙石泥土,需要長時間才能重新生長出嫩草。

4. 先到先得

營地資源一向是先到先得,就算朋友正前往營地,也切勿用任何物件霸佔營地,以免引起爭執。經過其他營地時,不要踢到他人帳蓬的營釘及營繩。

5. 注意說話聲浪

露營營地是公家地方,難免要與他人共享,因此任何時刻也要注意聲浪,不論人聲、手機或收音機,尤其入夜後,更應控制音量,免得擾人清夢又破壞寧靜環境。

6. 珍惜水源用可分解的清潔劑

假若水源是取自溪澗,緊記取水處在上,洗滌處在下,調轉位置,不單會污染水源,甚至影響當地居民生活。露營時,請自行準備可分解的環保洗潔精作清洗。因為很多時露營會直接將清潔水倒入水源,如果用化學洗潔精會影響環境生態,水中如有生物便會死亡。

7. 對其他遊客要禮貌謙讓

每個露營人士都是熱愛大自然之人,在路上撞到其他露營人士,不妨點頭打招呼,因為萬一不幸遇到緊急事故也可求助於人。

**露營是對孩子很好的訓練。在露營期間,多留心孩子正在進行的事,隨時機會教育,並且以身作則,是培養孩子露營禮儀的基本關鍵。讓自己和別人家的下一代,都能享受快樂健康的戶外生活。


你可能也會感興趣:

【露營地點】扶輪公園營地 -露營新手懶人 營地推介

【露營地點】浪茄灣營地 – 香港嘅世外桃源

______________________________________________________________________

參加不同國家主題#香港好去處#尋找旅行感 系列 的本地工作坊

歡迎旅人按link投稿分享您的獨家旅程+享有獨家優惠!

想計劃旅遊行程更加得心應手?早鳥登記我們最新動態!

LIKE Glide劃翔 Facebook 然後選擇「See First」盡享旅遊快訊!

FOLLOW Glide劃翔 Instagram 探索獨一無二旅遊行程!

SUBSCRIBE Glide劃翔 Youtube 觀賞精彩短片!

0 comments on “【露營地點】6大私人露營營地 – 陪你度過悠閒假期

Leave a Reply

%d bloggers like this: