#冰島非常適合熱愛雪地活動及觀光的你們，到處都是冰天雪地，夢幻般的風景這一次感謝 @travel_kw.k 的投稿，分享她在冰島4日3夜快閃觀光之旅的行程！

首兩天逗留在冰島首都 #雷克雅未克( #Reykjavík) 附近，#哈爾格林姆教堂 (#Hallgrimskirkjachurch) 是冰島最大的教堂，而 #太陽航行者 (#Sunvoyager) ，這裏是冰島人的祖先維京人，首次登陸冰島的地方

第二天參加了黃金圈一日團，第一站是 #辛格韋德利國家公園 (#Pingvellir) → #間歇噴泉 (#Geysir) → #黃金瀑布 (#Gullfoss)，一日見盡了冰島南部的三大自然景色，岩石、地質、噴泉，如果你們都想親眼看到這麼震撼的場面，不要錯過到冰島南部一逛！

第三、四天參加了Guide to Iceland兩日團，第一站是 #斯科加爾瀑布 (#Skogafoss)，又名 #彩虹瀑布，據說有陽光的日子，95％就會有彩虹，被譽為冰島最浪漫的瀑布。第二站是世界最美的十大海灘之一， #黑沙灘 (#Reynisdrangar)，第三天的最後一站是，冬季限定的 #藍冰洞 (#IceCave)，海浪被凍結而形成了冰洞，顏色藍如水晶，十分美麗。

最後一天到了 #傑古沙龍冰河湖 (#Jokulsarlon)，值得一提的是 #塞里雅蘭瀑布 (Seljalandsfoss)，又稱 #水濂洞瀑布，垂直高度達60米，底部的小徑讓我們能繞到瀑布後方，更加近距離感受它的氣勢

雖然大自然真的十分神奇，但是 #傑古沙龍冰河湖 (Jokulsarlon) 的融化程度已經很嚴重，如果我們不再好好形惜及保護大自然，恐怕這些美妙的風景將要一一消失了。

第一日

【交通】到達KEF airport

【景點】 Reykjavík 市內唱錢

【住宿】guesthouse checkin

【餐廳】Dinner

好好彩搭到而家無左既Wow air，但因為冰島冬天天氣問題delay左三個幾鐘，原本中午到達搞到黃昏先到，去到淨係食得個dinner。機場有巴士出到Reykjavík，亦可以上網book車就有人車你出去市區

第二日 klook黃金圈一日團 ～HKD500:

【景點】pingvellir 辛格韋德利國家公園

【景點】geysir 間歇噴泉

【景點】gullfoss 黃金瀑布

【景點】Reykjavík 市內景點: Hallgrimskirkja church

【景點】海邊Sun Voyager

前一日落好大雨，好彩無左落雨，見到白雪雪既雪地🥰坐大巴，導遊好仔細介紹，一日見盡冰島南部三大景點：岩石、地質、噴泉。上網有好多詳情就唔再講，但係真係令我大開眼界，對大自然既感歎，給予冰島完美既一面，有時真係要親眼見到先知幾震撼！！

第三日 Guide to Iceland兩日團 ～HKD3200:

【景點】Skogafoss

【景點】 黑沙灘

【景點】藍冰洞

【景點】 Guesthouse checkin

比起一日團更加震撼！！更加欣賞到呢個大自然係幾美好幾甘神奇，簡單一條瀑布會無啦啦有條彩虹，冰雪凝固都可以形成一個冰洞。到底大自然係可以俾到幾多野俾我地😍😍當晚話有少少機會睇到北極光，但最後好可惜都係睇唔到，淨係食左兩個鐘風😂😂😂

第四日

【景點】冰河湖 –

【景點】Seljalandsfoss

最後一日既行程唔多，係最後一日可以盡情去欣賞呢片雪地。雖然大自然好神奇，但我地完全無好好珍惜，見到冰河湖上既冰融化得好勁，真係好想同各位講我地真係要好好保護大自然，仲未欣賞到佢就就黎消失…因為要番去present所以無再留耐啲，係好可惜，仲要我走果晚既極光指數好高，其他exchange朋友話佢地肉眼都見到好清楚😭😭😭但係我都幾肯定我會再去過冰島！！希望下次可以見到極光～～

旅行Tips：
帶多啲暖貼！想影極光一定要帶腳架，預多啲時間，冬天天氣好反覆

________________________________________________________________________

參加不同國家主題#香港好去處#尋找旅行感 系列 的本地工作坊

歡迎旅人按link投稿分享您的獨家旅程+享有獨家優惠！

想計劃旅遊行程更加得心應手？早鳥登記我們最新動態！

LIKE Glide劃翔 Facebook 然後選擇「See First」盡享旅遊快訊！

FOLLOW Glide劃翔 Instagram 探索獨一無二旅遊行程！

SUBSCRIBE Glide劃翔 Youtube 觀賞精彩短片！