大自然型 打卡熱點 放鬆心情型

【梅窩一日遊】梅窩好去處-必去打卡景點︰銀礦灣、銀礦洞

Glide帶大家去梅窩好去處!梅窩位於大嶼山東岸,屬於香港離島之一。 區內有銀礦灣瀑布 、銀礦洞、文武廟等古蹟及景點,仲有泳灘同郊遊徑俾大家盡情遊山玩水 !肚餓又可以一嘗新鮮海鮮或者歎返個港女三層架下午茶,在中環乘大約四十分鐘 快船便可到達。相比起其他離島,梅窩相對恬靜同現代化,所以假期同朋友、伴侶或者屋企人去都喺唔錯嘅選擇!

【梅窩一日遊】Glide帶大家去梅窩好去處!梅窩位於大嶼山東岸,屬於香港離島之一。 區內有銀礦灣瀑布 、銀礦洞、文武廟等古蹟及景點,仲有泳灘同郊遊徑俾大家盡情遊山玩水!肚餓又可以一嘗新鮮海鮮或者歎返個港女三層架下午茶,在中環乘大約四十分鐘 快船便可到達。相比起其他離島,梅窩相對恬靜同現代化,所以假期同朋友、伴侶或者屋企人去都喺唔錯嘅選擇!

香港離島 | 梅窩一日遊 | 梅窩好去處 | 梅窩景點 | 梅窩交通船期

梅窩行程攻略

Glide帶你去梅窩一日遊!梅窩係個度假小鎮,區內有唔少景點,例如有銀礦灣泳灘、 銀礦洞、瀑布、郊遊徑等,行山又得,玩水又得,肚餓又可以食海鮮或者去BBQ,梅窩好去處足夠俾大家玩足一日!

📍第一站:海景海鮮大排檔 華記海鮮飯店

▶搭咗咁耐船嚟梅窩第一時間緊係要醫飽肚先啦!梅窩有好多以新鮮海產馳名嘅餐廳 ,華記海鮮飯店就係其中一間。呢間小店喺熟食中心入面,設有海邊雅座,可以一邊歎住海鮮一邊欣賞海景。而且食物價錢經濟實惠,有貴價海鮮、惹味小炒又有碟頭飯選擇,消費豐儉由人,小店招牌菜係豉椒炒蜆、椒鹽鮮魷同椒鹽瀨尿蝦,一場嚟到梅窩嘅不妨去試試~

地址:大嶼山梅窩碼頭熟食中心

📍第二站:文武廟

▶食飽飯就可以開始梅窩行程的第二站!只要經銀礦灣泳灘,按照指示牌就可以去坐落於白銀鄉隔離嘅文武廟。文武廟在明朝萬曆年間建成,有超過四百年歷史,為區內最古老嘅廟,比起香港開埠初期建立嘅上環文武廟仲要早二百幾年,係個相當有歷史價值古蹟!雖然呢座文武廟比起上環文武廟細,但內裏結構同規模都算完好無缺,主要供奉文帝同武帝。文武廟正門兩側仲有堯舜同岳飛故事嘅圖畫,象徵一文一武。如果大家想了解更多呢座文武廟嘅結構,不妨去參觀下~

地址:嶼山梅窩白銀鄉

📍第三站: 銀礦灣瀑布

▶去完文武廟,可以原路折返,去下一站睇銀礦灣瀑布。銀礦灣瀑布係香港其中一道容易去的瀑布,分為上下銀礦布, 只要跟指示牌經窩田村,行大約20分鐘就可以到達,途中完全唔使攀爬或者行山路,啱曬想憐香惜玉嘅男仔帶女朋友一齊去打卡,唔洗驚女朋友受傷!

順帶一提,前往途中仲有機會見到梅窩嘅水牛添!

地址:大嶼山梅窩銀礦灣瀑布

📍第四站:銀礦洞

▶睇完水流湍急嘅銀礦灣瀑布之後,可以行5分鐘左右上山睇銀礦洞。呢個鉛礦洞喺上世紀被發現礦石含有白銀,所以佢曾經用嚟開挖鉛礦,因而改名做銀礦洞。不過由於呢個10呎高嘅洞穴只係得返少量礦石,所以裏面已經停止對外開放。銀礦洞印證咗香港鉛礦歷史嘅發展,大家去到仍然可以喺洞外打卡影相留念。

📍第五站:麥生記冰室 必食港女三層架下午茶

▶行完咁多路用曬啲腳骨力,呢個時候不妨歎返個港女下午茶抖下先!推介大家試下麥生記冰室嘅港女三層架下午茶!呢個港女下午茶同一般貴價酒店/西餐廳Tea Set唔同,係每一層都擺放住唔同嘅香港地道小食,有公司三文治、甜品、薯條等。咁貼地嘅三層架Tea Set相信可以喺體驗香港美食之餘,亦可以滿足晒你三個願望!正!

地址:大嶼山梅窩涌口街38F號地舖

📍第六站:銀礦灣泳灘

▶銀礦灣泳灘係梅窩最出名嘅景點,處於銀礦灣西岸,以水質清澈聞名,同埋景色都好怡人㗎。泳灘同時有唔同嘅生物,喺水退時有機會見到寄居蟹走嚟走去,仲可以摸蜆添!相信晏晝去泳灘可以享受日光浴之餘兼摸蜆玩到黃昏,順便睇日落,喺夕陽下打卡。

沙灘後面仲設有燒烤場,全日開放,如果直落到夜晚喺嗰度BBQ埋都係個唔錯嘅選擇~

地址:大嶼山梅窩東灣頭路

梅窩交通及船期

1)中環至梅窩 (六號碼頭)

船程:

普通船:船程 50至55分鐘

高速船:船程 35至40分鐘

船期查詢及收費:運輸處網站

2) 東涌至梅窩
東涌巴士總站搭3M巴士,車程大約45分鐘。

時間表、路線查詢及收費:新大嶼山巴士網站

想隨時緊貼旅行/本地行程


梅窩直立板yoga行程

【香港水上活動】體驗水上瑜珈+梅窩美食遊!頌缽體驗

【梅窩好去處】體驗SUP瑜珈+梅窩美食遊!

去梅窩可以體驗SUP瑜珈又可以享受美食!水上瑜珈,又名槳板瑜伽SUP Yoga (stand up paddle yoga),是站在直立板上練習瑜伽的活動。與普通瑜珈不同,把瑜珈帶到室外,真正與大自然融為一體,讓心靈得以從枯燥中釋放。今次glide會為大家介紹香港可以進行水上瑜珈的地方,以迎接初夏!同場加映: 梅窩手信推介~

你可能也會感興趣:

【梅窩好去處】體驗SUP瑜珈+梅窩美食遊!

【梅窩一日遊】鏡粉留意!《調教你Mirror》9個拍攝場地打卡朝聖攻略

【香港離島一日遊】鴨脷洲 體驗舊香港風情

【香港離島一日遊】香港南極 蒲台島

_______________________________________________________________

參加不同國家主題#香港好去處#尋找旅行感 系列 的本地工作坊

歡迎旅人按link投稿分享您的獨家旅程+享有獨家優惠!

想計劃旅遊行程更加得心應手?早鳥登記我們最新動態!

LIKE Glide劃翔 Facebook 然後選擇「See First」盡享旅遊快訊!

FOLLOW Glide劃翔 Instagram 探索獨一無二旅遊行程!

SUBSCRIBE Glide劃翔 Youtube 觀賞精彩短片!▶

0 comments on “【梅窩一日遊】梅窩好去處-必去打卡景點︰銀礦灣、銀礦洞

Leave a Reply

%d bloggers like this: