【露營美學】嚴選最強露營穿搭 - 輕鬆打造ig山系潮人
香港露營專區

【露營美學】嚴選最強露營穿搭 – 輕鬆打造ig山系潮人

【露營美學】邊個話露營穿搭一定只可係休閒便服,唔可以充滿時尚感?邊個話露營打扮成點都唔會有人睇,就可以隨便穿搭?現時好多山系穿搭都揉合咗型格、時尚同機能性,等各位潮人喺露營期間都不忘保持自身風格。今日我哋嚟尋找最強山系穿搭,簡單挑選幾項服飾單品就能輕鬆將你打造成ig山系型人!!!

【露營美學】邊個話露營穿搭一定只可係休閒便服,唔可以充滿時尚感?邊個話露營打扮成點都唔會有人睇,就可以隨便穿搭?現時好多山系穿搭都揉合咗型格、時尚同機能性,等各位潮人喺露營期間都不忘保持自身風格。今日我哋嚟尋找最強山系穿搭,簡單挑選幾項服飾單品就能輕鬆將你打造成ig山系型人!!!

香港露營 | 露營美學丨露營穿搭 丨山系穿搭

【露營穿搭】之前同大家介紹完露營裝備租借同露營用品清單,今次就同大家講下大家喺露營時嘅露營穿搭。露營除咗同一大班朋友輕鬆耍樂外,ig打卡更係不可少得的環節。講到打卡又點可以只係著普通休閒便服?而家嘅露營穿搭風格應有盡有,山系風、機能風、工業風、復古風,以至於近年受各大時裝品牌寵愛的「Gorpcore」戶外風格,一種舒適的戶外服飾穿搭,結合戶外元素與休閑服裝,蛻變成舒適時髦嘅山系穿搭,都能夠成為你露營穿搭嘅靈感來源,以下就為大家介紹幾款山系穿搭,為大家提供露營時尚新指標!

露營穿搭推薦

1. Anorak 連帽型登山外套

Anorak 即係連帽型登山外套。山上面嘅日夜溫差十分之大,氣溫數小時內就可以跌4-5度,因此一件連帽型登山外套絕對能幫助你應付忽冷忽熱嘅天氣,熱嘅時侯可以只穿袖,晚上稍凍就能夠普上外套,讓你隨時隨地都能維持合適,舒爽的溫度。

近年的大部分品牌嘅Anorak 設計都帶有機能風,剪裁簡潔、洗練卻配搭上數種大膽拼色,加上多功能口袋風複雜結構,令Anorak成為了戶外時裝界嘅新寵兒,想著得型又重視功能嘅朋友不妨考慮添加一件落衣櫃呀!

快點加入你的露營穿搭中!

購買 The North Face Anorak

2. 機能性背心

講到近年型格同潮流嘅單品,莫過於最近風靡時裝界嘅機能背心,無論係Beams、WTAPS等等嘅知名潮牌,抑或是網上小店 ig shop 等等,都紛紛推出自家設計嘅背心。文青風、工業風、機能風,你想要嘅風格設計應有盡有,加上多袋嘅特性,露營時可以擺電筒、手機、打火機等等嘅小工具,百搭嘅外型加上實用性,仲唔成為山系穿搭嘅型格首選?

快點加入你的露營穿搭中!

購買 Beams 機能性背心

3. 歐美風絨毛外套/日系復古無領外套

除左機能風格強嘅Anarok 連帽風褸外,絨毛外套同復古無領外套都可以帶嚟唔同嘅山系穿搭風格,為大家獻上多個選擇!絨毛外套嘅保暖性能十分之高,而且亦係去季熱門單品,最啱應付冬天山上嘅嚴寒。而最近剛好踏進春天,雖然天氣開始回暖,但氣溫亦會時高時低,有時著得厚又怕熱,著得少又驚吹親,一件日系復古外套,除咗可以增加穿搭層次感、增加穿搭復古色彩外,正可以解決喺反復無常天氣中嘅穿搭問題,咁就可以型住咁舒服露營啦!

快點加入你的露營穿搭中!

購買 日系復古無領外套

4. 全天侯機能長褲

大眾對束腳褲嘅熱愛咁多年都無退減,加上適合運動嘅布料,當大家要行一啲比較陡峭嘅山路去營地嗰陣,呢款長褲嘅輕彈性機能布料適合你全方位移動,唔會成為你活動嘅障礙。而且乾爽防水嘅材質,加上佢簡潔流線嘅機能風設計,就算喺潮濕雨細嘅春天,又或者係烈日中天嘅炎炎夏日,都可以助你活動自如,著重實用性之餘又不失穿搭風格,再配搭 Anarok 連帽外套,隨即散發著滿滿嘅機能風! 

快點加入你的露營穿搭中!

購買 Nike ACG全天侯機能長褲

5. 工裝寛褲

工裝寬褲係一件係你山系穿搭個人風格昇華到另一個層面嘅必穿單品!雖然寬褲嘅機動性無機能長褲咁高,可能會令你嘅行動稍有限制,但一條大地色系嘅工裝寬褲,以其闊大嘅剪裁,配襯一件簡單短袖加上機能背心,能夠併發出沉實同時特別嘅山系穿搭衣著風格,喺文青風與機能風之間取得平衡;此外,寬褲厚實嘅布料與多口袋設計,能夠著重衣著美感之餘不失實用性。因此唔係經常去困難路線營地嘅朋友,絕對適合為你哋嘅衣櫃添置一條啊!

快點加入你的露營穿搭中!

購買 Filter017 工裝寛褲

6. 露營帽/ 短冷帽

如果想山系穿搭得更加有層次,唔想淨係得大地色調嘅衫褲咁單調,但同時又唔習慣色彩繽紛嘅穿搭的話,大家不妨選擇一啲同樣色系但顏色、飽和度鮮豔少少嘅配飾做點綴,令到整套穿搭更加有風格同個人特色,一頭短冷帽或者露營帽可能會幫到你!除此之外,露營營地未必有齊全洗漱嘅設備,大家如果貪方便唔想洗頭,一頂具備風格,而且可以令你望落整潔嘅帽絕對係露營穿搭必備良品!!!

快點加入你的露營穿搭中!

購買 露營帽/ 短冷帽

7. 山系風運動鞋

「工欲善其事,必先利其器」去行山又點可能缺少一對行山鞋?傳統嘅行山鞋通常外型都比較笨重,而且顏色深沉,基本上各大牌子嘅鞋款都頗為一致。但係隨著近年各地行山熱潮興起,不同品牌都推出各至特色鞋款,而且設計更加入近年廣受歡迎嘅 「dad shoes」元素,拼合行山所需嘅抓地力、柔韌度,各位潮人就可以揀一對行街行山都襯到衫嘅行山鞋,唔驚又要著對普通行山鞋同人撞款,甚至要著平時對愛鞋,又怕行山淨污糟,又怕唔適合行山扭親腳啦!

快點加入你的露營穿搭中!

購買 Hoka one one 行山鞋

新手注意事項:

  • 由於晚上路段非常昏暗,各位必定要帶電筒或者頭燈!
  • 晚上風大,地點近海,一定要記得帶防風同保暖衣物!
  • 晚上見到人在沙灘上起營火,但在沙灘上起營火可會對環境造成破壞!

露營禮儀:

近年,露營遂成為最新潮流。新手露營者如果未清楚可以先了解露營禮儀才出發,讓我們都能夠尊重大自然,為他人、大自然做多一步。

1. 計劃好所需食物份量及自備器具

預先做資料搜集,了解營地設備,再計劃需帶備多少食物及器具,避免產生廚餘,減少在山上製造垃圾。如要帶備食物,應先在家中丟棄不必要的包裝紙,以可循環再用容器盛載食物上山。

2. 帶走你的垃圾

不單是指將垃圾丟進垃圾箱或回收箱,而是要將垃圾帶回市區,因為郊區的垃圾箱未必經常有人清理,帶走垃圾可避免野生動物誤吃而影響生態。另外,郊區的垃圾箱多設於山上或偏遠地區,清潔工人收集垃圾過程會變得更困難,假若每個露營人士也留下大量垃圾,這根本就是將自己的快樂建築於他人的痛苦上。

3. 遵守生火規則

嚴禁直接在地面生火,此舉不單違法,更有可能引致山火。另外,若在草地上生火,燃燒時的高溫會影響泥土內的生物,亦會損害草地植披,燒毀後只會留下一處沙石泥土,需要長時間才能重新生長出嫩草。

4. 先到先得

營地資源一向是先到先得,就算朋友正前往營地,也切勿用任何物件霸佔營地,以免引起爭執。經過其他營地時,不要踢到他人帳蓬的營釘及營繩。

5. 注意說話聲浪

露營營地是公家地方,難免要與他人共享,因此任何時刻也要注意聲浪,不論人聲、手機或收音機,尤其入夜後,更應控制音量,免得擾人清夢又破壞寧靜環境。

6. 珍惜水源用可分解的清潔劑

假若水源是取自溪澗,緊記取水處在上,洗滌處在下,調轉位置,不單會污染水源,甚至影響當地居民生活。露營時,請自行準備可分解的環保洗潔精作清洗。因為很多時露營會直接將清潔水倒入水源,如果用化學洗潔精會影響環境生態,水中如有生物便會死亡。

7. 對其他遊客要禮貌謙讓

每個露營人士都是熱愛大自然之人,在路上撞到其他露營人士,不妨點頭打招呼,因為萬一不幸遇到緊急事故也可求助於人。

**露營是對孩子很好的訓練。在露營期間,多留心孩子正在進行的事,隨時機會教育,並且以身作則,是培養孩子露營禮儀的基本關鍵。讓自己和別人家的下一代,都能享受快樂健康的戶外生活。


你可能也會感興趣:

▶【香港露營 LNT】5個清洗鍋具的方法

▶【香港露營】 如何選擇帳篷和遮陽帳篷?

______________________________________________________________________

參加不同國家主題#香港好去處#尋找旅行感 系列 的本地工作坊

歡迎旅人按link投稿分享您的獨家旅程+享有獨家優惠!

想計劃旅遊行程更加得心應手?早鳥登記我們最新動態!

LIKE Glide劃翔 Facebook 然後選擇「See First」盡享旅遊快訊!

FOLLOW Glide劃翔 Instagram 探索獨一無二旅遊行程!

SUBSCRIBE Glide劃翔 Youtube 觀賞精彩短片!

0 comments on “【露營美學】嚴選最強露營穿搭 – 輕鬆打造ig山系潮人

Leave a Reply

%d bloggers like this: