【香港露營】浪茄灣營地 - 香港嘅世外桃源
香港露營專區 大自然型

【露營地點】浪茄灣營地 – 香港嘅世外桃源

【露營地點】位於西貢萬宜水庫以東且背靠獨孤山嘅浪茄灣營地水清沙幼,可以話係香港嘅世外桃源。

浪茄灣營地資訊:

位置及交通:
浪茄灣(浪茄沙灘),西貢東郊野公園
前往方法 1 (的士):
在西貢市中心的士站乘的士到東壩後步行約30至45分鐘,車費約$110-$130
前往方法 2 (快艇):
在西貢問船家坐快艇,每人約$130/程
前往方法 3 (山路):
從北潭涌沿麥理浩徑第一段到達浪茄灣小徑,步行約3小時
設施:燒烤爐、檯櫈
衛生設施:旱廁
水源:溪澗(季節性水源)
路程難度:中級

浪茄灣營地 | 香港露營丨露營用品丨露營裝備丨浪茄灣露營丨沙灘露營地點

【香港露營地點推介】之前介紹咗幾個露營地點(例如大灘營地黃石營地)都係適合新手居多,今次嘅營地推介就係畀有露營經驗人士啱去嘅沙灘露營地點——浪茄灣營地。位於西貢萬宜水庫以東且背靠獨孤山嘅浪茄灣營地交通位置較唔便利,而且附近冇補給提供,所以並唔太推介新手前往。雖然交通不便,但浪茄灣營地勝在夠水清沙幼,可以話係香港嘅世外桃源!


第一站:鑽石山/彩虹>西貢市中心

浪茄灣營地交通

由港鐵鑽石山C2站出口乘搭92號巴士或者港鐵彩虹站乘搭1A線綠色小巴,喺西貢墟總站落車,就會到達西貢市中心。

第二站:東壩 >浪茄

到達東壩後,就可以沿麥理浩徑徒步行30至45分鐘去浪茄。山路有少少斜,但都唔算崎嶇,算容易行,而且沿途會見到萬宜水庫同火山岩岩石,風光秀麗明媚,喺陽光普照嘅天氣下散步更顯天空嘅晴朗,心情都特別舒暢。

第三站:到達浪茄灣營地 — 嬉水暢泳、消遣

行咗一段時間終於到埗,嚟到浪茄灣營地。浪茄灣與世隔絕、人煙稀少,堪稱係香港嘅世外桃源。喺度紮營就幾乎可以獨霸海灘暢泳,喺四周寧靜嘅環境中見到一望無際嘅無敵大海景之餘感受到陣陣海風,十分寫意。夜晚可以瞓喺沙灘上面抬頭欣賞星空,清晨時分就可以歎浪茄灣嘅日出,簡直係人生一大樂事。

第四站:浪茄灣營地 — 設施

值得一提嘅係浪茄灣營地附近並冇任何補給設施,只有燒烤爐、旱廁同一條水喉供水,並冇士多租借露營用品及露營裝備,而且冇沖洗設施,對露營新手嚟講可能會相對麻煩。同埋由於浪茄灣地處偏僻,電話 (例如電話台Smartone)有機會收唔到訊號或數據,所以大家要有心理準備冇得上網~


浪茄灣營地周圍如詩如畫,啱曬繁忙嘅香港人前往露營,遠離塵囂,洗滌心靈。但就路程及設施而言,浪茄灣營地可能對新手嚟講可能會比較吃力,如果露營新手們想搵比較輕鬆嘅營地,可以自行衡量個人程度,或先小試牛刀,參考灣仔西營地鶴藪營地


注意事項:

  • 晚上風大,地點近海,一定要記得帶備足夠防風同保暖衣物。
  • 營地只有一條溪澗水喉,務必帶備足夠的露營裝備及食物、飲用水。
  • 營地屬郊區,電話有可能冇訊號,露營前可提早向親友交代。
  • 回程前可預先CALL車,節省等待時間。
  • 緊記妥善清理垃圾,唔好影響大自然嘅環境。

露營用品+露營裝備

露營新手唔少得的當然係露營裝備清單!檢查清楚有沒有帶少了露營裝備,可以考慮參考利用下面的裝備清單!如果唔想買,亦可以考慮租借!

露營用品清單

Glide露營用品清單 – 基本版
Glide露營用品清單 – 詳細版
Glide露營用品清單-豪華版

露營裝備租借

新手露營最好就係先租借裝備,去完先再考慮會唔會加購。因為露營用品、露營裝備都比較大件,需要一定的位置去放置。如果能夠租借裝備,又可以享受到衛生及乾淨(超緊要的!!)的用品,真係又平宜方便又環保!

宜家仲可以用Glide Discount Code享受獨家優惠



露營禮儀:

近年,露營遂成為最新潮流。新手露營者如果未清楚可以先了解露營禮儀才出發,讓我們都能夠尊重大自然,為他人、大自然做多一步。

1. 計劃好所需食物份量及自備器具

預先做資料搜集,了解營地設備,再計劃需帶備多少食物及器具,避免產生廚餘,減少在山上製造垃圾。如要帶備食物,應先在家中丟棄不必要的包裝紙,以可循環再用容器盛載食物上山。

1. 帶走你的垃圾

不單是指將垃圾丟進垃圾箱或回收箱,而是要將垃圾帶回市區,因為郊區的垃圾箱未必經常有人清理,帶走垃圾可避免野生動物誤吃而影響生態。另外,郊區的垃圾箱多設於山上或偏遠地區,清潔工人收集垃圾過程會變得更困難,假若每個露營人士也留下大量垃圾,這根本就是將自己的快樂建築於他人的痛苦上。

2. 遵守生火規則

嚴禁直接在地面生火,此舉不單違法,更有可能引致山火。另外,若在草地上生火,燃燒時的高溫會影響泥土內的生物,亦會損害草地植披,燒毀後只會留下一處沙石泥土,需要長時間才能重新生長出嫩草。

3. 先到先得

營地資源一向是先到先得,就算朋友正前往營地,也切勿用任何物件霸佔營地,以免引起爭執。經過其他營地時,不要踢到他人帳蓬的營釘及營繩。

4. 注意說話聲浪

露營營地是公家地方,難免要與他人共享,因此任何時刻也要注意聲浪,不論人聲、手機或收音機,尤其入夜後,更應控制音量,免得擾人清夢又破壞寧靜環境。

5. 珍惜水源用可分解的清潔劑

假若水源是取自溪澗,緊記取水處在上,洗滌處在下,調轉位置,不單會污染水源,甚至影響當地居民生活。露營時,請自行準備可分解的環保洗潔精作清洗。因為很多時露營會直接將清潔水倒入水源,如果用化學洗潔精會影響環境生態,水中如有生物便會死亡。

6. 對其他遊客要禮貌謙讓

每個露營人士都是熱愛大自然之人,在路上撞到其他露營人士,不妨點頭打招呼,因為萬一不幸遇到緊急事故也可求助於人。

**露營是對孩子很好的訓練。在露營期間,多留心孩子正在進行的事,隨時機會教育,並且以身作則,是培養孩子露營禮儀的基本關鍵。讓自己和別人家的下一代,都能享受快樂健康的戶外生活。


你可能也會感興趣:

【香港露營】 如何選擇帳篷和遮陽帳篷?

【露營地點】5個沙灘露營必選營點

______________________________________________________________________

參加不同國家主題#香港好去處#尋找旅行感 系列 的本地工作坊

歡迎旅人按link投稿分享您的獨家旅程+享有獨家優惠!

想計劃旅遊行程更加得心應手?早鳥登記我們最新動態!

LIKE Glide劃翔 Facebook 然後選擇「See First」盡享旅遊快訊!

FOLLOW Glide劃翔 Instagram 探索獨一無二旅遊行程!

SUBSCRIBE Glide劃翔 Youtube 觀賞精彩短片!


1 comment on “【露營地點】浪茄灣營地 – 香港嘅世外桃源

  1. Pingback: 【露營地點】6大私人露營營地 - 陪你度過悠閑假期 - GLIDE

Leave a Reply

%d bloggers like this: