【露營裝備租借攻略】露營用品買定租? -內附優惠碼
香港露營專區 香港好去處

【露營裝備租借攻略】露營用品買定租? -內附優惠碼

【香港露營用品租借攻略】想去露營但又唔想買露營裝備點算好?一大堆露營用品驚出發前一日執漏買漏到時無得用好煩?廚具、床墊、睡袋、帳篷啲露營用品多到屋企無位擺?今日我地就同大家一文睇哂露營裝備租借攻略,睇下邊間公司CP值最高,幫各位唔想提前準備嘅懶人實行香港懶人露營計劃!!!

【香港露營用品租借攻略】想去露營但又唔想買露營裝備點算好?一大堆露營用品驚出發前一日執漏買漏到時無得用好煩?廚具、床墊、睡袋、帳篷啲露營用品多到屋企無位擺?今日我地就同大家一文睇哂露營裝備租借攻略,睇下邊間公司CP值最高,幫各位唔想提前準備嘅懶人實行香港懶人露營計劃!!!

香港露營 | 露營用品租借丨露營裝備 丨露營裝備清單丨懶人露營

【香港露營】露營一直為人詬病嘅地方就係啲露營用品又多又重又貴,再加上香港人成日都要翻工,能夠抽到時間去露營一年都可能只得一兩次,但係啲露營裝備一買就要買好多,買得貴,用得少,再加上要花咁多時間對住張清單逐樣用品夾硬塞爆個背囊,仲要揹住成差不多十公斤嘅用品出門口搭巴士,呢種未可以享受露營樂趣就事先襲來嘅痛苦,令到唔少想露營嘅朋友都因為咁而卻步。所以近年嚟唔少人都會喺最近興起嘅露營用品租借公司度租借營具。今次我地一文推介ECGO camping, Worry3camper, 露乜露物lomaocampingCampFire 營伙 四間露營用品租借公司,幫你搜羅分析佢哋唔同套裝嘅優惠同特點,各間公司嘅套裝都已經為客人設計配備好基本露營裝備,大家就無需要再為收拾露營用品所苦惱,淨係準備個人同啲食物去營地就可以安枕無憂,直接享受到露營嘅樂趣啦!!!

付款特別優惠IGable 特色營交收形式
EC Go 現金/ paypalEasy organic farm 一日一夜 (滿$1000)滿$1500 免費送貨
Worry3camperPayme/ FPS/ 信用卡/深水埗地鐵站交收
LomaocampingPayme/ FPS/ 銀行轉帳星期一至四露營優惠套裝荔枝角Studio交收
CampfirePayme/ FPS/ 現金無憂無慮套餐
一見傾心套餐
圍爐取暖套餐
荃灣Studio交收
【香港露營】露營裝備租借攻略

EC GO 露營用品店

首先介紹嘅EC GO係其中一間露營用品租借公司,佢哋會提供租借嘅露營用品都可以話十分多元,帳篷、睡袋、野營墊、露營鍋具組同營燈呢啲基本用具當然配備啦,而公司更加設有不同套裝,主要係提供2-4人同行露營裝備,大家能夠選擇基本簡便裝具,或者升級至寫意套裝,價錢豐儉由人。各位懶人唔想對住張露營用品清單逐樣執的話,只要選擇想租借嘅套裝,就可以慳翻唔少心機,留翻多啲精力去玩呀!此外,公司亦都提供散租露營裝備,可以任意加錢配合到套餐之中,令到露營裝備嘅配搭更加有彈性,方便各位用家唔同嘅需要。

另外,不得不提嘅係EC GO 仲配備埋送貨服務,如果喺店內消費滿$1500,就可享免費取還件送貨服務(不足$1500可加$150送貨,港島加$50),大家就唔洗再攞住咁重嘅露營裝備周圍走了!

基本露營用品:帳篷、睡袋、野營墊、露營鍋具組、營燈 (設有單項露營裝備選租)
套裝價錢:$340(1-2人) – $750(4人)
套裝人數:
2-4人
交收形式:新蒲崗利嘉工業大廈11樓28室
特別優惠:
學生優惠/ 開業大優惠/ 免費送貨服務 (滿$1500)/ 套餐單項加租優惠

**獨家** 享受 Glide 高達$200優惠* (先到先得):
1. Follow Glide.travel & EC GO CAMPING IG
2. PM Glide.travel "我想跟EC GO CAMPING"
3. 我們便會發你獨家優惠碼!即用即減!

*$200優惠適用於租Set H 進階四人套裝 (只限三月份);如租其他套裝均可享受買滿$340減$40優惠!
【香港露營】露營裝備租借攻略
【香港露營】露營裝備租借攻略

租用EC GO裝備

Worry3camper 郊享樂

Worry3camper 雖然無其他公司咁多優惠,但係佢地勝在套裝內提供多樣款式嘅露營設備,連小茶几、背囊、水桶等等營具都包含在內,加上設有7-8人套裝,無論你係兩小口子想簡單體驗露營,抑或係想三五成群一班朋友一齊露營chill 一chill,都總會有一種啱你呀!

基本露營用品:帳篷、睡袋、防潮墊、露營鍋具組、頭燈、營燈、60L背囊、小茶几、摺疊水桶 (設有單項露營裝備選租)
套裝價錢:$388(1-2人) – $1128(7-8人)
套裝人數:
1-8人
交收形式:深水埗地鐵站交收
特別優惠:
/

【香港露營】露營裝備租借攻略
【香港露營】露營裝備租借攻略

租用Worry3camper裝備

露乜露物Lomaocamping

露乜露物Lomaocamping 主打二人露營用品租借服務,適合各對情侶租用。套裝除左提供基本露營用品外,另設有枱、櫈同埋充足煮食用具,等各位情人們可以煮完飯仔之後一齊坐喺漫天星空下撐枱腳,喺繁星閃爍嘅晚空下品嚐對方嘅手藝,再配合DOD 咁型咁igable 嘅露營帳篷,實在係既浪漫又寫意,帶埋伴侶喺啲咁有情調嘅環境下露營拍拖簡直一流呀!

基本露營用品:二人帳篷、睡袋、枱、 櫈、充氣墊、露營鍋具組、營燈 (設有單項露營裝備選租)
套裝價錢:$518 (2人)
套裝人數:
2人
交收形式:荔枝角Studio交收
特別優惠:
星期一至四二人露營優惠套裝 $458 (原價: $518)

【香港露營】露營裝備租借攻略
【香港露營】露營裝備租借攻略
【香港露營】露營裝備租借攻略

租用露乜露物Lomaocamping裝備

CampFire 營伙

最後嚟到CampFire 營伙,CampFire 營伙係一間露營體驗公司,提供營具租借及代購服務。公司名嘅靈感係來自CampFire可以係露營時帶黎溫暖,露營伙伴可以為你帶黎快樂。所以營伙同其他租借用品公司最大嘅分別就係佢會按人數收費,人越多價錢就抵,希望大家可以享受露營時同一大班伙伴玩樂嘅時光。CampFire 亦有供應DOD one pole tent 同DOD shonen tent 等等嘅日本型格帳篷比大家ig 打卡出po呃like,有興趣嘅咁多位可以自行留意翻佢地嘅ig page,同參考佢哋租借特色帳篷嘅詳情

基本露營用品:3-4人營、地墊、套鍋、 爐頭、擋風版、大檯、天幕、露營凳、氣墊、枕頭、頭燈 (設有單項露營裝備選租)
套裝價錢:按人數決定
套裝人數:
1-8人
交收形式:荃灣Studio交收
特別優惠:
無憂無慮套餐/ 得一想二露營套餐/ 一見傾心套餐/ 圍爐取暖套餐 (7人 $175/head, 8人 $160/head)

成班fd放假唔知有咩好做?圍爐取暖套餐就專為多人野外出走而設,8個人訓埋一個營玩通頂就最適合想chill住過happy weekend嘅你啦~~
圍爐取暖套餐
7人 $175/head
8人 $160/head
2021年3月31日前可享圍爐取暖套餐租借9折優惠!
【香港露營】露營裝備租借攻略
【香港露營】露營裝備租借攻略
【香港露營】露營裝備租借攻略
租借 DOD 型格5人金仔營(黑色/米色) One-Pole Tent
DOD ONE POLE TENT T1-442-TN 1 PEOPLE

租用CampFire 營伙裝備


新手注意事項:

  • 由於晚上路段非常昏暗,各位必定要帶電筒或者頭燈!
  • 晚上風大,地點近海,一定要記得帶防風同保暖衣物!
  • 晚上見到人在沙灘上起營火,但在沙灘上起營火可會對環境造成破壞!

露營禮儀:

近年,露營遂成為最新潮流。新手露營者如果未清楚可以先了解露營禮儀才出發,讓我們都能夠尊重大自然,為他人、大自然做多一步。

1. 計劃好所需食物份量及自備器具

預先做資料搜集,了解營地設備,再計劃需帶備多少食物及器具,避免產生廚餘,減少在山上製造垃圾。如要帶備食物,應先在家中丟棄不必要的包裝紙,以可循環再用容器盛載食物上山。

1. 帶走你的垃圾

不單是指將垃圾丟進垃圾箱或回收箱,而是要將垃圾帶回市區,因為郊區的垃圾箱未必經常有人清理,帶走垃圾可避免野生動物誤吃而影響生態。另外,郊區的垃圾箱多設於山上或偏遠地區,清潔工人收集垃圾過程會變得更困難,假若每個露營人士也留下大量垃圾,這根本就是將自己的快樂建築於他人的痛苦上。

2. 遵守生火規則

嚴禁直接在地面生火,此舉不單違法,更有可能引致山火。另外,若在草地上生火,燃燒時的高溫會影響泥土內的生物,亦會損害草地植披,燒毀後只會留下一處沙石泥土,需要長時間才能重新生長出嫩草。

3. 先到先得

營地資源一向是先到先得,就算朋友正前往營地,也切勿用任何物件霸佔營地,以免引起爭執。經過其他營地時,不要踢到他人帳蓬的營釘及營繩。

4. 注意說話聲浪

露營營地是公家地方,難免要與他人共享,因此任何時刻也要注意聲浪,不論人聲、手機或收音機,尤其入夜後,更應控制音量,免得擾人清夢又破壞寧靜環境。

5. 珍惜水源用可分解的清潔劑

假若水源是取自溪澗,緊記取水處在上,洗滌處在下,調轉位置,不單會污染水源,甚至影響當地居民生活。露營時,請自行準備可分解的環保洗潔精作清洗。因為很多時露營會直接將清潔水倒入水源,如果用化學洗潔精會影響環境生態,水中如有生物便會死亡。

6. 對其他遊客要禮貌謙讓

每個露營人士都是熱愛大自然之人,在路上撞到其他露營人士,不妨點頭打招呼,因為萬一不幸遇到緊急事故也可求助於人。

**露營是對孩子很好的訓練。在露營期間,多留心孩子正在進行的事,隨時機會教育,並且以身作則,是培養孩子露營禮儀的基本關鍵。讓自己和別人家的下一代,都能享受快樂健康的戶外生活。


你可能也會感興趣:

【露營地點】流水響營地 – 天空之鏡打卡位

【露營地點】大嶼山昂坪營地 – 新手路線 鳳凰山日出

______________________________________________________________________

參加不同國家主題#香港好去處#尋找旅行感 系列 的本地工作坊

歡迎旅人按link投稿分享您的獨家旅程+享有獨家優惠!

想計劃旅遊行程更加得心應手?早鳥登記我們最新動態!

LIKE Glide劃翔 Facebook 然後選擇「See First」盡享旅遊快訊!

FOLLOW Glide劃翔 Instagram 探索獨一無二旅遊行程!

SUBSCRIBE Glide劃翔 Youtube 觀賞精彩短片!



1 comment on “【露營裝備租借攻略】露營用品買定租? -內附優惠碼

  1. Pingback: 【露營地點】塔門營地 - 與你露營至天涯海角 - GLIDE

Leave a Reply

%d bloggers like this: