郊遊行程

【香港一日遊】慢活攝影小角落 烏溪沙

烏溪沙喺新界沙田區近馬鞍山附近,位置可以話係非常香港嘅「山旯旮」!但伴隨住鐵路屯馬線啟用,由鑽石山前往至馬安山市中心,烏溪沙只需要26分鐘左右。就算係居住喺市區嘅你,亦能搭公共交通工具輕鬆往返「山旯旮」嘅烏溪沙車站。到訪烏溪沙嘅遊人並唔多,加上環境清幽,絕對係個週末散心嘅好去處!

今次Glide介紹香港一日遊:烏溪沙,等你無得去旅行都可以係香港打卡,一齊睇下所有烏溪沙打卡點啦!

文青 | 烏溪沙沙灘 | cafe打卡 | 沙田景點 |

香港一日遊:慢活攝影小角落 烏溪沙打卡點

烏溪沙喺新界沙田區近馬鞍山附近,位置可以話係非常香港嘅「山旯旮」!但伴隨住鐵路屯馬線啟用,由鑽石山前往至馬安山市中心,烏溪沙只需要26分鐘左右。就算係居住喺市區嘅你,亦能搭公共交通工具輕鬆往返「山旯旮」嘅烏溪沙車站。到訪烏溪沙嘅遊人並唔多,加上環境清幽,絕對係個週末散心嘅好去處!

📍第一站:馬鞍山公園

▶搭乘港鐵到馬鞍山站,從A出口穿過馬鞍山廣場,便能到達佔地超大嘅馬鞍山公園。園內有藍白色主調嘅海洋廣場,純白嘅歐陸式欄杆同紅磚拼砌而成嘅地板,都令遊人彷如置身於北歐波羅的海,係超有度假feel嘅拍攝背景,除左海洋廣場,仲有超大型迷宮同草坪,可以預先喺馬鞍山廣場買定嘢食,坐係草坪上野餐!自然保育園地同採礦歷史展覧,都好值得去參觀下架,足夠你花一整個下午!

地址:馬鞍山鞍駿街12號

開放時間:早上6:30 – 晚上11:00

烏溪沙一日遊-馬鞍山公園
【香港一日遊:慢活攝影小角落 烏溪沙】第一站 -馬鞍山公園 圖片來源:themeparkhk

📍第二站:烏溪沙石灘

▶你可能未必知烏溪沙石灘係邊,但係你實聽過被稱為「海洋之心」嘅心型石頭。佢係由一個康文署退休花王伯伯,手持住鏟子,一石一磗堆砌出巨大心型。只可惜近呢一兩年,有居民反映因為心型石嘅出現,當地嘅生態同土質被破壞,所以現時嘅心形石已經被人拆去。雖然冇左心形石打卡,但係夕陽下嘅石灘依然好靚架!仲被CNN評選為「香港欣賞浪漫夕陽的最佳海灘」添!

烏溪沙一日遊-烏溪沙石灘
【香港一日遊:慢活攝影小角落 烏溪沙】第二站 – 烏溪沙石灘 圖片來源:cool rose

📍第三站:渡頭灣村

▶由烏溪沙石灘繼續向前行800尺左右,就見到另一個石灘——渡頭灣村。渡頭灣村係馬鞍山唯一一條漁村,依家仍然有不少嘅退休漁民,留守漁村,經營前鋪後居嘅士多店。50年代初期,村前有渡頭接載村民來往大埔元洲仔,村名或因此而來。現時,渡頭趁墟嘅熱鬧風光不再,遺下嘅只有被棄置喺石灘上同岸邊嘅紅白色小船舨,既可成為拍攝素材,又可以作為鏡頭下前景呢📸📸!

烏溪沙一日遊-渡頭灣村
【香港一日遊:慢活攝影小角落 烏溪沙】第三站 – 渡頭灣村 圖片來源:Cool Rose

📍第四站:屋子生活 Uchi Days and Meals

▶日落西山後,可以選擇留喺渡頭灣村BBQ,又或者徒步到近烏溪沙港鐵站的迎海薈晚餐。值得一提係,位於迎海薈嘅隱世日式文青Cafe——屋子生活。佢嘅樓底較高,裝修以素白色和原木色為主,風格簡約;客人仲可以揀坐日式坐地塌塌米,環境悠遊自在。食物有日式輕食、台式菜和特式窩夫,小編就最中意佢個鰻魚茶漬飯! 價錢合理,而且精緻美味,最啱就係影完全日靚相,夜晚再打埋個卡先走!

地址:馬鞍山烏溪沙路8號迎海薈地下4A舖

營業時間:星期一至五早上11:30 – 晚上10:30 ; 星期六日中午12:00 – 晚上10:30

交通:港鐵烏溪沙站 A1 出口,步行約3分鐘

烏溪沙一日遊-屋子生活
【香港一日遊:慢活攝影小角落 烏溪沙】第四站 - 屋子生活 圖片來源:Out of Stock

你可能也會感興趣:

【觀塘一日遊情侶打卡】 周末情侶好去處 – 觀塘cafe

【香港離島一日遊】鴨脷洲 體驗舊香港風情

______________________________________________________________________

參加不同國家主題#香港好去處#尋找旅行感 系列 的本地工作坊

歡迎旅人按link投稿分享您的獨家旅程+享有獨家優惠!

想計劃旅遊行程更加得心應手?早鳥登記我們最新動態!

LIKE Glide劃翔 Facebook 然後選擇「See First」盡享旅遊快訊!

FOLLOW Glide劃翔 Instagram 探索獨一無二旅遊行程!

SUBSCRIBE Glide劃翔 Youtube 觀賞精彩短片!

喜歡旅遊的妳,不能不知的世界終極十大必去景點!

本地旅行有咩玩?一齊黎 Discover Hong Kong


0 comments on “【香港一日遊】慢活攝影小角落 烏溪沙

Leave a Reply

%d bloggers like this: