同伴：伴侶
風格：Chillout & recharge, 度密月, 必去, 大自然愛好者, 自駕遊, 浪漫
活動：浮潛, 戶外活動, 動物園/水族館

#毛里裘斯作為海島國家，非常適合新婚伴侶去度蜜月。這一次感謝 @k.y.kylie 的投稿!

前四天分別係 #毛里求斯帕爾馬鹽選度假村 ( #Salt of Palmar )、#美岸麗世度假村 ( #LuxBelleMare )，全部性價比極高，嘆盡酒店美食，玩盡酒店設施及活動，例如：免費浮潛、騎馬等，附近仲有超靚沙灘！

第五天離開酒店，由東岸自駕遊到北岸，一次過欣賞哂著名景點 #紅頂教堂 ( #Cap Malheureux )，#Mont Choisy 海灘，最後可以去 #Mount Choisy Le Mall 瘋狂掃平貨！

最後幾天參加不同的Day Tour，暢遊大部分 #毛里求斯南端必去景點，#海豚灣 ( #TheCave )，#天涯海角 ( #BaieduCap)，#自然橋 ( #PontNaturel )、#藍灣 ( #BlueBay )、#模里西斯百鳥園( #CaselaNationalPark )、Chamarel，人均都係$500，真係抵到爛！

再一次感謝 @k.y.kylie 的投稿，分享她在毛里裘斯6日5夜蜜月渡假之旅的行程！如果你也有一些特色的旅遊行程，歡迎投稿📮

立即投稿

第一日

早上

【交通】乘坐新加坡航空於新加坡轉機

新加坡觀光一天 Remarks: 坐新加坡航空轉機較乘搭直航毛里裘斯航空便宜約$1000。還可以趁機觀光新加坡一天，無需拿托運行李入境，輕鬆離開機場。

第二日

【交通】新加坡出發去毛里裘斯（約4小時機程）

晚上：

【交通】18:30 到達，建議預訂機場接送 1小時車程大概$300 2位，的士約$500 一程。

除首都外其他地區均交通不便，道路晚上缺乏街燈，單線雙程行車，當地人駕車速度高及經常超車，岩岩落機自駕易生危險。

【住宿】位於毛里裘斯最美東岸「毛里求斯帕爾馬鹽選度假村 (Salt of Palmar) 」

【晚餐】免費酒店蜜月晚餐送蛋

Remarks: 去毛里裘斯度海島國家蜜月的第一重點係要嘆酒店，所以其中幾晚必選有靚沙灘、影相靚的五星級酒店度過！呢間係當地新興既LUX 集團旗下五星級酒店，十分有摩洛哥風格，影相一流，而且價格相宜，新婚仲會送你一個好豐富既蜜月晚餐。早餐係無限order 既a la crate , 味道好食有早有西餐，性格比極高既酒店。

第三日《全日於酒店度過》

【早餐】池畔早餐，任叫A la crate

有點心叫（原價一個餐USD $10 up) 豐富好味《享用酒店設施》

【住宿】轉另一間同集團的高質蜜月酒店：美岸麗世度假村(Lux* Belle Mare) 《酒店活動》

安排給新婚夫婦的免費烹飪班（自行報名

【晚餐】Duck Laundry (享用價錢實惠高質酒店中餐）

Remarks: 依間酒店係毛里裘斯數一數二的蜜月酒店，勝在價錢合理、全白建築仲有唔少野玩、中西餐廳都有，價錢便宜之餘完全唔會悶。包括Cooking class、各式免費水上活動如免費浮潛等，騎馬、桑拿靚靚泳池應有盡有，送香檳、蜜月蛋糕，而且一日執兩次房（因為去完沙灘成房沙）！

第四日

【早餐】酒店餐廳泳池景自助早餐

另外每朝10點前可到酒店的Cafe Lux享用不同手調飲品 (乃當地頗有名氣連鎖cafe集團，機場都有)，佢杯招牌”Cafe Lux” 一試難忘😋

【酒店活動】需要一早出發到沙灘小屋預訂每天有兩次的浮潛/玻璃船。

費用全免，已包浮潛用具。

【酒店活動】遊水、影相、白沙灘、水療池

【晚餐】Amari By Vineet 米芝連一星印度餐廳享用蜜月晚餐

【酒店活動】酒店安排的1小時晚間表演，印度舞，大家一齊跳舞

Remarks: 酒店可加錢join Half Board / Full board , Full Board 可以有更多福利享用,例如無限任食Cafe Lux Ice Cream 。兩個套餐都包括原本貴價的米芝蓮一星既印度餐廳蜜月晚餐 (Trip Advisor Top 3) , 需於入住當天提早訂位。

第五日

【早餐】享用早餐及酒店設施，租車公司送車到酒店。

【交通】由東岸自駕到北岸（1小時） , 沿途海岸呈現不同深淺的藍。

【景點】紅頂教堂

（陳小春、應彩兒結婚教堂）

【景點】大灣

【景點】Mont Choisy

海灘游水晒太陽北岸的沙不夠東岸的沙白，礁可較多，屬於另一種風格）

【景點】Mont Choisy Le Mall 購物行街

毛里裘斯曾是法國殖民地買法國牌子i.e. Loccitane 好抵。 Remarks: 因為未來幾天都係參加Day Tour 或以行街為主，酒店可住近市區/平民一點的酒店

第六日

作為一個多樣化的島國，有各式各樣的Day Tour 可以參加，重點是價格便宜，不像其他蜜月島國這麼貴。今次挑選這個團可暢遊大部分毛裘必去景點，人均約HKD$500。

Tips: 建議根據第一個景點挑選酒店，否則島的一南一北或者一東一西都需要2-3小時的車程，即使全島免費接送都需要天未光就起床。 1. 早上：毛里裘斯西岸、黑河區 (1.5小時車程）

【景點】海豚灣

坐船出海與海豚浮潛暢泳；從海上望回岸上世界遺產象徵自由的「莫納山」

下午：毛里裘斯南端（35 分鐘車程）

【景點】天涯海角

毛里裘斯最南端的觀景台，從高處遠晀毛里裘斯南端的海，寶石藍十分得超級清澈。U型大灣的場景也是某亞洲電影的拍攝熱點。

【午餐】龍蝦餐

【景點】自然橋

毛里裘斯唯一珊瑚礁全開的南端，乃受海水侵蝕嘅自然地貌，企喺上面拍照頗震撼但要注意安全。 Tips: 這裡沒有石屎路，而且入口隱藏於甘蔗田之中，當地人才會熟悉路，不建議自駕，自駕的話需租SUV，跟團不貴建議跟團。（1.15小時車程）

【景點】藍灣 – 浮潛勝地

依度可以話係全島擁有嘅珊瑚礁裙係最豐富同埋最靚，物種超多而且顏色豐富，同魚仔一齊暢泳好，睇到我唔捨得上水！導遊會同我地玻璃船底逐個物種講解！（車程半小時）回程北端的酒店（車程1.5-2小時）

第七日

毛里裘斯景點很多，要仔細挑選，度蜜月行程不用排得滿，輕鬆可以自然醒就好！

下午：毛里裘斯西岸

【景點】黑河區

【景點】 Casela National Park – 動物園

濃縮版的肯亞，可以坐四驅車係草原上同非洲動物近距離接觸，或坐免費的遊覽車在草原上Safari。動物物種唔算十分多，但都係一個幾好的初體驗。也可以付費同獅子互動。門票：約$200/位 2. 晚上：回毛里裘斯北端酒店（1.5小時）

【晚餐】太夜只有商場Food Court 亞洲菜可選擇

到大型Supermarket – Super U 最後衝刺

第八日

早上：首都路易港-商業化的地方

【景點】Caudan Waterfront 商場 –

拍照熱點，雨傘陣會定期換上不同顏色，熱鬧的商場有不同大牌子，回程前最後的購物。

毛里裘斯南端、七色土景區

【午餐】商場餐廳

【景點】Chamarel 瀑布 – 毛里裘斯最大落差嘅瀑布、去看七色土必經景點

【景點】七色土

地上的彩虹，有七種顏色的土壤，成因是火山熔岩經光照後產生了化學變化。屬世畀罕有的火山地貌。遊客必到。不過因為當天陰天曾落雨所以7種顏色並唔明顯。門票：200盧比/車（沒有交通到達）

【機場】六點到機場還車，注意車按金比歐現/美金現金，不接受信用卡，所以需拎住$400 歐現金返香港..

第九日

【飛機】抵達香港

旅行Tips：
毛里裘斯這個海島國家好多景點都好靚，海上活動很多，但有好多都係類似，建議睇多啲人哋嘅相，睇吓咩景點影相比較漂亮，景點比較適合自己而挑選不同的Day tour/行程。總結：在毛里裘斯一定要安排有幾天享受五星級酒店設施、抽多些時間出海欣賞毛里裘斯海的過百種藍色、亦要觀賞島上的自然動植物、最後有時間可以感受下這國家商業化的首都。

______________________________________________________________________

立即投稿你獨一無二的行程！

立即投稿

________________________________________________________________________

參加不同國家主題#香港好去處 #尋找旅行感系列的本地工作坊

第一日

早上

【交通】乘坐新加坡航空 於新加坡轉機

第二日

【交通】新加坡出發去毛里裘斯 （約4小時機程）

晚上：