Glide 感謝 @marjooorie_l的投稿。

同伴：朋友

風格：放鬆充電/異國風情/運動型

活動：水上活動/咖啡廳/戶外活動

淺水灣位於香港島南部，是一個豪宅林立的高尚住宅區。而淺水灣最具代表性的淺水灣沙灘更是美得像外國渡假區，水清沙幼，風景怡人。Glide旅人今次帶大家去淺水灣一日遊，品嚐淺水灣美食，漫步淺水灣沙灘，渡過充滿異國情調、悠閑放鬆、慢活的一天。

淺水灣一日遊 | 淺水灣沙灘 | 淺水灣美食

📍第一站：淺水灣沙灘

[YOGA on the beach]

淺水灣係我近年都幾喜歡去嘅沙灘，係銅鑼灣撘架小巴半個鐘就到~ 夠哂方便收到 @decathlon 嘅Yoga set ，見三樣嘢都咁輕身，即刻攞咗岀去用~ (雖然多數唔會唔神心拎哂咁多嘢)

第一次玩Pilates ring ，想當佢係呼拉圈咁玩，其實佢可以用嚟輕鬆咁train up 肌肉，好啱女仔用。呢款Club Mat 有藍灰兩面，藍色一面guidelines 會明顯啲。我好大汗嫁，但做咗一set workout 都唔太跣手。 5mm 厚嘅Mat 做靜態Hatha / 動態啲嘅Vinyasa 都夠cushion support，又唔會太厚難平衡。做完瑜珈同朋友一齊睇書傾計吹海風，Yoga Mat可以當埋沙灘蓆，啲沙都好易掃走。

淺水灣沙灘交通: 40號小巴 @銅鑼灣渣甸街 (F 岀口對岀) (唔熟路記得同司機講定要係邊落車啊~)

📍第二站：Hooman by the Sea

[Pet-friendly 美式快餐店]

沙灘隔離有好多chill 嘅餐廳食嘢要做個American gurll~ 緊係要食American 嘅Hotdog。個Bar 嘅設計，令我覺得好似去咗迪迪尼火箭隔離咁，同朋友去咗間 Pets Friendly 嘅Hooman by the sea 食熱狗，呢度嘅熱狗用狗狗命名，每款用唔同Sausage 配合自家調配嘅 Sauce 。呢款Chiwawa 多cheese bacon ，豐富口感又好食！（不過會食得比較狼狽，建議大家用手食，同埋準備定紙巾）

仲有雪糕三文治 Waffle 版！色彩繽紛嘅Soda 特調，睇見都心情愉快如果想健康啲，就咁飲杯淺水灣店限定嘅 Protein Shake，其實已經夠晒飽肚估唔到美式快餐店嘅咖啡都可以咁有水準！試過杯咖啡啱飲，可以即場買包本地烘焙嘅咖啡豆返屋企沖，Support Local!

講明嗰度係Pet-friendly ，有狗狗零食賣嫁，帶狗狗去沙灘玩完，可以去買嘢一齊食。下次要記得自備餐盒+杯，拎去海邊食又得，真係 feel like in LA lor~*

地址：Shop211, L2, The Pulse
營業時間：星期一至星期日10:30 AM – 07:30 PM

📍第三站：The Pulse 天台

[Sunset with Beer]

買支Local 手工啤 (愈嚟愈多高汁本地釀製)上Rooftop坐，舒舒服服欣賞海上日落。Rooftop 有人工草地，拎Mat 上去做瑜珈都Okay~

📍第四站：淺水灣酒店

[漫步殖民時期色彩酒店]

記得係Santa Monica 有一間酒店正正係沙灘旁，係歐式風格特別靚嘅！淺水灣係20世紀都曾經有一間充滿殖民地色彩嘅酒店，當年招呼過海嗚威！可惜係80年代拆卸了，宜家見到嘅露台餐廳係仿照當年酒店風格而建。 Chill 咗一日意猶未盡，可以係度食個情調晚餐，或者係酒店附近漫步，幻想下自己番番去舊年代的美好時光。