Glide 感謝 @cheese_cakexd的投稿。

同伴：獨遊

風格：放鬆充電/即興隨性/打卡點/熱門景點

活動：山系/登山 / 戶外活動/觀光

今次Glide旅人帶大家去馬灣一日遊，行程會同大家一齊去馬灣沙灘──馬灣東灣泳灘，然後係馬灣行山，踏上馬灣大嶺頭山頂！最後仲會介紹一間隱世土耳其特色Cafe！內文附有前往馬灣的交通資訊。

馬灣沙灘 | 馬灣交通 | 馬灣行山

📍第一站：馬灣東灣泳灘

夏天梗係去沙灘曬太陽，馬灣泳灘唔算好大但係勝在風景靚人又唔多，同埋近我屋企，喺荃灣西搭船入去只需要15分鐘，搭過船即刻有旅行的感覺。除咗依樣風景仲好靚！飽覽青馬大橋景色！！

曬到肚餓，沙灘邊仲有𝐝好𝐜𝐡𝐢𝐥𝐥嘅餐廳，仲要價錢合理！但今日我有其他行程下次再介紹！

馬灣交通：
巴士：
由旺角東站前往馬灣：港鐵旺角東站B3出口，步行至旺角新世紀廣場(約10分鐘)，乘來往方舟專線巴士直達；
由葵芳站前往馬灣：港鐵葵芳站新都會廣場前，乘NR332巴士直達；
由荃灣站前往馬灣：港鐵荃灣站C出口巴士總站，乘NR331巴士直達；或於荃灣西站，乘NR331S巴士直達；
由青衣站前往馬灣：港鐵青衣站C出口巴士總站，乘NR330巴士直達；

渡輪：
於中環2號碼頭或荃灣渡輪碼頭乘渡輪至珀麗灣，步行可達。

📍第二站：馬灣大嶺頭

齋曬太陽好悶？想唔同角度睇吓青馬大橋，可以輕鬆行吓馬灣大嶺頭山，只有69m高，爬上去全不費氣力，又可以睇到好靚的景色。行完個山都係一至兩個鐘個鐘嘅時間。

前往方法：
由馬灣東灣泳灘沿晉欣路步行前往，上山的入口就在馬灣消防局對面的斜坡上，需時約15分鐘。

📍第三站： Coffee On The Sand – Ma Wan

< 美食篇- 馬灣ᴄᴏғғᴇᴇ ᴏɴ ᴛʜᴇ sᴀɴᴅ>

馬灣柏林路11號 @coffee_onthesand ( 爆分推介- 有得食，有得玩，有得打卡 )

推介1: 親手試煮土耳其熱沙咖啡

推介2: 甜品

推介3: 老闆熱心講解土耳其咖啡。土耳其冰淇淋大家可能食過，土耳其餐就應該唔係成日食到土耳其熱沙咖啡，親手試整你又試過未？

叫得熱沙咖啡，就真係名副其實係熱沙上面煮。將咖啡粉，糖，水放入煮咖啡容器，再睇熱沙上面轉下轉下！就煮出一杯好濃的土耳其咖啡！自己整自己飲多左份成功感，第一啖飲，我覺得好得意，因為酸酸地，之後有回甘！好有層次個味。除左咖啡，仲有土耳其甜品值得推介小麥甜餅配雪糕，除此之外，仲有主食，但今次我就無試過，我一定會再黎！

依間係名副其實的隱世小店！店內得6-7張枱！星期六下午去好彩仲有位！裝修好有土耳其風味好ᴄᴏʟᴏᴇғᴜʟ！打卡一流！值得一讚！老闆非常有熱誠不停向客人介紹咖啡，我都偷到下師。

Chill: 5粒星！

食物: 5粒星！

打卡: 5粒星！

營業時間：
星期一至二、五： 12:15 – 16:00、16:15 – 18:00、18:15 – 20:00
星期三： 12:15 – 18:00
星期四： 12:15 – 20:00
星期六至日、公眾假期及公眾假期前夕：
12:15 – 16:00、16:15 – 18:00、18:15 – 21:00

前往方法：由大嶺頭沿珀林路步行前往，需時約20分鐘。