Glide 感謝 @cmmmik 的投稿。

同伴：閏蜜
風格：異國風情/ 打卡點/ 熱門景點/ 即興隨性
活動：酒吧/ 夜生活/ 咖啡廳

【打卡熱點】香港的打卡熱點除了文青cafe，原來都可以去特色餐廳拍下充滿民族風的照片！今次介紹的是充滿異國中東風情嘅黎巴嫩餐廳及土耳其風餐廳，就讓Glide旅人帶你走入夢幻嘅阿拉丁神燈宮殿，體驗一下阿拉丁王子公主的生活。

打卡熱點 | 阿拉丁 | 異國風情

📍第一站：Shahrazad Lebanese Dining Lounge & Bar

第一間介紹嘅餐廳係一間黎巴嫩餐廳，聽講夜晚係有肚皮舞跳同埋會變咗間酒吧、有shisha提供。但係我哋夜晚沒有時間，所以就決定下午兩點鐘嘅時候去咗。我哋選擇叫咗杯薄荷茶同埋鷹嘴豆泥+番石榴+中東包。薄荷茶個茶具好靚，配合埋餐廳室內中東嘅佈置，好有阿拉丁神燈、一千零一夜嘅感覺。

餐廳安排了我們坐藍色梳化，佢啲窗嘅圖案，配合陽光折射落嚟光線令到整個氛圍好好，即係影啲相好唔似香港。出面露台放了馬賽克燈都幾靚，仲可以睇到大館。我覺得無論梳化位或者露台位都唔錯，很適合打卡。

廁所有一幅情侶壁畫，畫中有個女人裸露咗上身，有d印度春宮圖嘅感覺。門口有個噴泉，用馬賽克圖案砌成，影相又係好靚。仲有兩座shisha（水煙）煙壺喺度，從呢個裝置就令人聯想到神秘嘅中東夜生活，睇得出餐廳有好好設計過。餐廳其實食物價格偏貴，不過服務真係十分好，又會講英文，仲會當你貴賓咁看待。

IG：shahrazad.hk
地址：中環雲咸街75-77號嘉兆商業大廈2樓
營業時間：星期一至日 12:00pm-3:00pm // 5:00pm-10:00pm

前往方法：港鐵香港站 C 出口, 步行約8分鐘
Shahrazad Lebanese Dining Lounge & Bar Openrice

📍第二站：Behumble

呢間餐廳好有土耳其風格，一入去要除鞋。我哋就要求坐係梳化位。我哋叫咗餐廳嘅特色茶。餐廳嘅茶壺同埋茶杯好有中東、土耳其風特色，隨飲品仲會附送雪糕蛋捲，我們選擇了香芋味同埋覆盆子味。雪糕蛋捲好似雪米糍，只係少了白色那層。

最靚係窗邊位置，如果有陽光射入餐廳就可以影到好似仙女。值得一提的是這間餐廳都係有好多馬賽克燈，而且比中環那間還靚，啲燈打落塊面上面好有特色！不過梳化位成日都好多人打卡，所以你要趁冇人即刻影相。餐廳嘅用餐時間為90分鐘，但係當日我哋坐咗兩個鐘都冇人理會，所以都值得讚賞。

雖然係星期六但係好少人，見隔離枱有叫shisha，呢間就冇上面中環咁貴。兩間雖然相似，但係感覺上唔同。我覺得兩間都可以去，佢哋絕對係同朋友吹水一流的餐廳。

IG：behumblehk
地址：旺角彌敦道594-596號旺角新城18樓
營業時間：星期一至日 1:00pm-3:00am
前往方法：港鐵油麻地站 A2 出口, 步行約4分鐘
Be Humble Openrice

可以帶條大絲巾，好似中東婦女咁包住個頭，就好有特色襯番個景。

如果你也想分享你的獨家行程，可以在我們bio上的link投稿 !

______________________________________________________________________

你可能也會感興趣：

______________________________________________________________________

歡迎旅人按link投稿分享您的獨家旅程+享有獨家優惠！

想計劃旅遊行程更加得心應手？早鳥登記我們最新動態！

LIKE Glide劃翔 Facebook 然後選擇「See First」盡享旅遊快訊！

FOLLOW Glide劃翔 Instagram 探索獨一無二旅遊行程！

SUBSCRIBE Glide劃翔 Youtube 觀賞精彩短片！