【香港一日遊】粉嶺打鼓嶺 鄉間假日清心遊
香港一日遊

【香港一日遊】粉嶺打鼓嶺 鄉間假日清心遊

香港好去處2021 粉嶺打卡 - 提起粉嶺同打鼓嶺,你又會諗起啲咩呢?住喺九龍市區嘅小編,除咗冬天偶然聽新聞話打鼓嶺凍到結霜之外,連打鼓嶺具體位置都未必知。點可以錯過呢個人跡罕至嘅鄉間小區呢?今次要帶大家去粉嶺打卡,成個旅程只需大約HKD$100 (已包括午餐及車資)!

提起粉嶺同打鼓嶺,你又會諗起啲咩呢?住喺九龍市區嘅小編,除咗冬天偶然聽新聞話打鼓嶺凍到結霜之外,連打鼓嶺具體位置都未必知。但係最中意喺香港瓹窿瓹罅,發掘每區好去處嘅我哋,又點可以錯過呢個人跡罕至嘅鄉間小區呢?今次要帶大家去粉嶺打卡,帶大家去到打鼓嶺嘅山上山下,成個旅程只需大約HKD$100 (已包括午餐及車資)!

香港 打卡 好 去處 |香港好去處2021 | 粉嶺美食

【香港好去處2021】粉嶺同打鼓嶺位於香港新界東北部,與內地深圳靠近。現時粉嶺市中心已發展成住宅區,而近打鼓嶺一帶仍然可以見到昔日嘅農田風景。今次就趁住假日,拋開都市生活嘅煩囂,成個旅程只需大約HKD$100 (已包括午餐及車資),就可以感受鄉間嘅寧靜平和生活,去埋粉嶺打卡位,順道洗滌心靈啦~

📍第一站:流水響郊遊徑

▶位於八仙嶺郊野公園範圍內嘅流水響郊遊徑,沿途都有茂密嘅樹林遮蔭。如果怕行山辛苦嘅話,都可以唔行晒成條郊遊徑嘅。因為郊遊徑入口已經有個超吸睛👀,有森林裏「天空之鏡」之稱嘅流水響水塘。天氣好嘅話,湖面會映照出明媚嘅陽光、藍天白雲、湖畔嘅白千層同落羽松樹林,好似稍稍大聲說話都為平靜嘅湖面掀起漣漪。

交通:於粉嶺港鐵站前庭小巴總站,轉乘專線小巴52B,於流水響道與鶴藪道交匯處落車,沿流水響道向流水響水塘步行至流水響水塘郊野公園護理員站崗旁入口。

注意:假期會比較人多!

【香港一日遊】粉嶺打鼓嶺 【香港好去處2021】
【香港好去處2021】粉嶺一日遊 粉嶺打卡;圖片來源:Directorphoto

📍第二站:雲泉素食中心

▶行完郊遊徑之後,可以去到雲泉仙館享用美味嘅齋菜!雲泉仙館係香港嘅純陽派道觀,夏天有荷花池景,而秋天則有幽香嘅菊花展🌻~道觀遠近馳名嘅齋菜清新可口,大部份都係65蚊大大碟嘅小菜,味道絕不比葷菜遜色!另外,佢嘅白粥係任添,粥底綿滑,香蘊嘅腐竹味,配上齋菜係清腸胃嘅好機會!

地址:打鼓嶺平輋路188號雲泉仙館

營業時間:上午11時至下午3時半

交通:於第一站的落車處上專線小巴52B,到沙頭角公路同流水響道交界處落車,轉乘專線小巴52K,到雲泉仙館下車。

【香港一日遊】粉嶺打鼓嶺 【香港好去處2021】
【香港好去處2021】粉嶺一日遊 粉嶺打卡; 圖片來源:Ulifetravel, Openrice

📍第三站:坪輋壁畫村

▶食飽之後,可以穿過坪原路,到附近嘅坪輋壁畫村逛逛。喺幾年前「新界東北發展計劃」推出嘅時候,坪輋面臨被收田同拆村嘅命運,為咗引起其他香港市民嘅注意,一班村民組織咗一班義工為村落加添色彩🎨,創作咗以花草樹木、動物、卡通人物等嘅童話壁畫村,打卡一流📸!

地址:坪洲坪洋村坪原路157號華逹園

【香港一日遊】粉嶺打鼓嶺 【香港好去處2021】
【香港好去處2021】粉嶺一日遊 粉嶺打卡;圖片來源:星島

📍第四站:白茅草原

▶穿過壁畫村來到三鄉亭,亭嘅背後就係一大片嘅白茅草原!呢一帶白茅草田其實係全港規模最大,盛開嘅時候絕對可以匹美大東山嘅芒草田海架!望住一大片奶油白嘅燎燎草原,真係心曠神怡呀~如果有興趣進入草田拍攝嘅話,記得著返長褲,小心唔好被利草割傷。


地址:打鼓嶺坪原路三鄉亭附近

【香港一日遊】粉嶺打鼓嶺 【香港好去處2021】
【香港好去處2021】粉嶺一日遊 粉嶺打卡;圖片來源:香港01

📍第五站:禾徑山

▶臨近黃昏,又點可以唔搵個靚位欣賞日落呢?白茅草原旁邊就有條踏步徑,整條小徑用石級整齊鋪設,可以輕鬆登上不過300米嘅禾徑山,遠眺一望無際嘅坪輋及羅湖一帶城市,觀賞咸蛋黃般嘅紅日緩緩沒落於大廈林立嘅地平線上。回程途中並冇路燈,離開時要注意安全。

🚌交通資訊:

專線小巴 52B 來回粉嶺站及鶴藪站

車費:$6.3

班次:20-30分鐘

時間:

星期一至六: 由粉嶺站開出:05:40-20:20

由鶴藪開出:05:50-20:30

星期日: 由粉嶺站開出:05:30-24:30

由鶴藪開出:05:30-24:00

專線小巴 52K 來回粉嶺站及坪輋

車費:$6.3

班次:4-10分鐘

時間: 由粉嶺站開出:05:30-24:30

由坪輋開出:05:30-24:00


你可能也會感興趣:

【鳳凰山行夜山推介】新手行夜山裝備和注意事項

【香港離島一日遊】鴨脷洲 體驗舊香港風情

______________________________________________________________________

參加不同國家主題#香港好去處#尋找旅行感 系列 的本地工作坊

歡迎旅人按link投稿分享您的獨家旅程+享有獨家優惠!

想計劃旅遊行程更加得心應手?早鳥登記我們最新動態!

LIKE Glide劃翔 Facebook 然後選擇「See First」盡享旅遊快訊!

FOLLOW Glide劃翔 Instagram 探索獨一無二旅遊行程!

SUBSCRIBE Glide劃翔 Youtube 觀賞精彩短片!


0 comments on “【香港一日遊】粉嶺打鼓嶺 鄉間假日清心遊

Leave a Reply

Chinese (Traditional) English
%d bloggers like this: