【香港一日遊】二澳 分流 - 行山探秘 大嶼山古蹟遊
香港一日遊

【香港一日遊】二澳 分流 - 行山探秘 大嶼山古蹟遊

香港好去處2021 二澳 分流行山;其實除咗市區裏建於清末或英屬時期嘅建築物,離島區都有好多值得我地去一覧嘅法定古蹟,不少甚至能追溯至石器時代!而今次要帶大家去嘅,就係大嶼山嘅分流郊遊徑,路經兩個法定古蹟,去分流行山,沿途仲可以觀賞大海咸淡水分界嘅自然奇觀~

今次要帶大家去嘅就係,就係大嶼山嘅分流郊遊徑,大嶼山嘅分流,原稱「汾流」,路經兩個法定古蹟,沿途仲可以觀賞大海咸淡水分界嘅自然奇觀

香港 打卡 好 去處 |香港好去處2021 | 分流行山|

【香港好去處2021】最近,因為深水埗主教山發現逾百年歷史嘅羅馬式蓄水池,有關歷史古蹟保育嘅議題備受關注講起古蹟,你又會諗起咩呢?大館?三棟屋?定炮台呢?其實除咗市區裏建於清末或英屬時期嘅建築物,離島區都有好多值得我地去一覧嘅法定古蹟,不少甚至能追溯至石器時代!而今次要帶大家去嘅,就係大嶼山嘅分流郊遊徑,路經兩個法定古蹟,去分流行山,沿途仲可以觀賞大海咸淡水分界嘅自然奇觀~

大嶼山嘅分流,原稱「汾流」,位於成個香港嘅西南極,同時係珠江同太平洋水域嘅交界。山上能清楚睇到珠江泥黃色淡水同澄青色海水,喺大海分流嘅景觀。分流郊遊徑有唔同嘅路段,大家可以視乎自己嘅能力選擇適合嘅路程,而今次為大家介紹沿海、能途經較多景點嘅路線,全長約18公里,需時約7小時。

📍第一站:二澳碼頭

▶二澳村位於大澳附近,由大澳步行需時約45分鐘,但因為沿途風景不多,建議可以由大澳搭船到二澳碼頭。二澳村內有個大型相框,可以喺綠油油嘅草原田野前影相打卡!

交通:

1⃣於大澳沿鳯凰徑第7段,慢走約45分鐘。

2⃣乘坐二澳農作社小船 > 抵達二澳碼頭,船程約10分鐘 (逢星期六、日提供免費接駁服務)

【香港好去處2021】二澳 分流 - 行山探秘 大嶼山古蹟遊
【香港好去處2021】二澳 分流 - 行山探秘 大嶼山古蹟遊;圖片來源:notsomoon

📍第二站:分流村

▶沿住鳳凰徑7段經過煎魚灣,歩行約2小時就能進入分流村。沿途可以俯瞰中國南海海峽,和欣賞紅樹林。分流村曾有幾百人居住,依家只剩低一間士多,售賣汽水啤酒。士多旁邊係建於1956年嘅分流學校,同埋建於清末嘅應綱梁公祠。應綱梁公祠原本係分流村梁姓族人嘅家祠,喺分流學校建成之前,當時嘅族中子弟都會嚟寺祠讀書。行過分流學校,可以入去遺址內參觀照片展覽,好多人去分流行山都會想了解更多分流村嘅歷史變遷,感受以前香港五、六十年代離島鄉村學校嘅學習環境!

沿住鳳凰徑7段經過煎魚灣,歩行約2小時就能進入分流村🏘️。沿途可以俯瞰中國南海海峽,和欣賞紅樹林🌳。分流村曾有幾百人居住,依家只剩低一間士多,售賣汽水啤酒。士多旁邊係建於1956年嘅分流學校🏫,同埋建於清末嘅應綱梁公祠。應綱梁公祠原本係分流村梁姓族人嘅家祠,喺分流學校建成之前,當時嘅族中子弟都會嚟寺祠讀書📖。行過分流學校,可以入去遺址內參觀照片展覽🎞️,了解更多分流村嘅歷史變遷,感受以前香港五、六十年代離島鄉村學校嘅學習環境
【香港好去處2021】二澳 分流 - 行山探秘 大嶼山古蹟遊;圖片來源:hkppltravel.com

📍第三站:分流石圓環

▶從鳳凰徑7段轉進分流郊遊徑,會經過3個唔同年代嘅歷史古蹟,而第一個就係—— “分流石圓環”!唔好以為香港嘅古蹟最多只有兩、三百年歷史,單單呢個石圓環就已經係石器時代晚期到青銅時代嘅遺址。佢由20塊未經過雕琢嘅石塊,刻意堆疊而成,係1983年已經被列為香港法定古蹟🔍。雖然築砌圓環嘅真正目的已經無從稽考,但係估計用途與當時嘅祭祀儀式相關📸📸!

【香港好去處2021】二澳 分流 - 行山探秘 大嶼山古蹟遊;
【香港好去處2021】二澳 分流 - 行山探秘 大嶼山古蹟遊;圖片來源:hkppltravel.com

📍第四站:分流炮台

▶睇完香港史前有3000年歷史嘅石圓環,繼續沿分流郊遊徑步行約45分鐘,便到達俯瞰來往珠江航道嘅分流炮台💣。分流炮台主要以花崗岩同青磚疊砌而成,面積約966平方米,係香港佔地最大嘅炮台,同時亦係香港最早建成嘅炮台,大概係明朝同清朝之間。佢係1981年被定為香港法定古蹟,好難得可以喺香港見識到規模如此宏偉嘅炮台!

【香港好去處2021】二澳 分流 - 行山探秘 大嶼山古蹟遊;
【香港好去處2021】二澳 分流 - 行山探秘 大嶼山古蹟遊;圖片來源:香港漁農自然護理署

📍第五站:分流觀景台

▶雖然沿路都一直睇到海景,但係要數睇得最清楚「分流」嘅,一定係狗嶺涌嘅觀景台。企喺觀景台上,能清晰睇到泥黃色嘅西北水流同碧藍色嘅東南海水相遇,喺一望無際嘅藍天白雲下,交匯出一條彎月般嘅海水分界線~!

📍第六站:嶼南界碑

▶喺前往觀景台前嘅分叉路口,向下行就係1902年建立嘅大嶼山界碑之一。1898年,清政府租借新界同大嶼山俾英國99年,香港所有地區正式成為英屬領地,當時英軍💂🏻‍♂️係狗嶺涌豎立石碑,表明大嶼山係英國嘅範圍。轉眼間99年早已過去,香港亦早已經回歸中國,呢個100多年嘅界碑除咗刻上了租借地界線嘅經緯度,仲係英國對香港社會同文化影響深遠無法磨滅嘅佐證。

📍第七站:石壁水塘

之後走鳳凰徑8段約5公里路程,經過大浪灣村,就能抵達石壁水塘。石壁水塘嘅儲水量係僅次萬宜水庫同船灣淡水湖,環境恬靜明媚,如果時間尚早可以考慮係湖邊散散步。離開可以喺沙咀巴士站,搭乘新大嶼山巴士回到梅窩、大澳或東涌。

🚗交通:新大嶼山巴士1,2,11及23號

🚗交通:

免費接駁船(二澳農作社) 來往大澳及二澳碼頭

船程:10分鐘

船期:逢星期六、日

由大澳海豚旅遊有限公司渡頭出發:11:00/13:00/15:00

由二澳東京碼頭出發:

13:10/15:10/17:10

*座位有限、逾時不候、滿座即止。船期可能受天氣或潮汐漲退影響而取消,建議前往前先向二澳農作社查詢。

二澳農作社:

地址:大嶼山 大澳 吉慶街60號

營業時間:星期五、六、日 10:00-18:00 

電話:2985 8308

新大嶼山巴士

可前往Link查詢巴士路線、車資、班次及站位置


你可能也會感興趣:

【鳳凰山行夜山推介】新手行夜山裝備和注意事項

【香港離島一日遊】鴨脷洲 體驗舊香港風情

______________________________________________________________________

參加不同國家主題#香港好去處#尋找旅行感 系列 的本地工作坊

歡迎旅人按link投稿分享您的獨家旅程+享有獨家優惠!

想計劃旅遊行程更加得心應手?早鳥登記我們最新動態!

LIKE Glide劃翔 Facebook 然後選擇「See First」盡享旅遊快訊!

FOLLOW Glide劃翔 Instagram 探索獨一無二旅遊行程!

SUBSCRIBE Glide劃翔 Youtube 觀賞精彩短片!


0 comments on “【香港一日遊】二澳 分流 - 行山探秘 大嶼山古蹟遊

Leave a Reply

Chinese (Traditional) English
%d bloggers like this: