香港一日遊

【鳳凰山行夜山推介】新手行夜山裝備和注意事項

【行夜山推介 】呢一年由於疫情關係,大家冇得去旅行,都多咗好多時間行山,但係唔知大家今年有冇試過行夜山呢?今次Glide就為大家介紹一條入門嘅夜山徑,就係香港第二高峰鳳凰山!雖然鳳凰山有934米高,但係相比起大東山,路徑比較簡單,配合基本嘅行山裝備就可以上山啦!加上行夜山嘅好處就係可以避開強烈嘅太陽光,唔使行到滿頭大汗,而且鳳凰山更加喺香港睇日出嘅好地方!

Glide帶你行夜山!今次鳳凰山行完夜山再睇日出!即刻睇下我地為你準備既【鳳凰山行夜山推介】!

香港日出 | 香港行夜山| 行山裝備 | 行夜山推介 丨行夜山裝備 丨行夜山注意

【鳳凰山行夜山推介】呢一年由於疫情關係,大家冇得去旅行,都多咗好多時間行山,但係唔知大家今年有冇試過行夜山呢?今次Glide就為大家介紹一條入門嘅夜山徑,就係香港第二高峰鳳凰山!雖然鳳凰山有934米高,但係相比起大東山,路徑比較簡單,配合基本嘅行山裝備就可以上山啦!加上行夜山嘅好處就係可以避開強烈嘅太陽光,唔使行到滿頭大汗,而且鳳凰山更加喺香港睇日出嘅好地方!

新手行夜山注意事項和行山裝備

由於路段非常昏暗,各位必定要帶電筒或者頭燈!加上山頂風大,一定要記得帶防風衣物同保暖套

1. 電筒/頭燈
2. 防風衣物和保暖外套
3. 水和乾糧

出發行夜山📍11:30pm 東涌乘搭巴士到伯公坳

前往鳳凰山有幾個方法,大家可以喺東涌巴士站乘坐大嶼山巴士3M,喺伯公坳站落車,巴士站旁邊流動廁所,雖然衛生情況一般,但係呢個係上山前最後一個機會。去完廁所之後就可以直接開始行上山。

圖片來源: 新大嶼山巴士


📍12:15pm 開始行鳳凰山徑

呢一段路線係鳳凰徑第3段,約4.5公里,由伯公坳為起點,單程需時大概2.5小時。呢一條路徑明顯,而且比較開陽,可以遠望香港國際機場飛機嘅升降,又可以望到香港第三高峰大東山。到攰嘅時候,隨便搵個地方坐都會望到好靚嘅景色。

【行夜山推介】

📍02:45am 抵達鳳凰山山頂

抵達鳳凰山山頂之後,可以喺山頂嘅涼亭休息,靜候日出。如果你有足夠嘅保暖衣物,更加要把握時間喺鳳凰山山頂觀星,同埋影相!喺香港都可以影到滿天星星嘅相㗎!

📍06:45am 行夜山 睇日出

太陽升起嘅時候,成個山頭都會變成金黃色。之前一日可以預備一啲簡單嘅早餐,咁就可以一邊睇日出一邊嘆早餐啦!

【行夜山推介】

📍08:00am 行完夜山 準備落山

睇完日出之後就可以準備落山,如果唔想行返回頭路嘅話,可以選擇由鳳凰山頂行返落昂坪市集。呢一條路線比較快捷,但係梯級比較陡峭,沿途沒有太多休息的位置,不過勝在有樹陰,可以暫時避過慢慢變得刺眼嘅陽光。全程大概1至1.5小時就可以抵達昂坪市集。

【行夜山推介】

📍09:15am 抵達心經簡林

抵達昂坪市集之前,會經過心經簡林,國學大師饒宗頤教授將整篇《心經》都刻喺園林上邊嘅木柱,非常有特色同埋值得一睇!

【行夜山推介】

📍09:30am 抵達昂坪市集

昂坪市集嘅洗手間都非常衛生,有需要嘅話可以離開之前使用。係搭巴士離開之前,可以喺市集坐低食返碗豆腐花

【行夜山推介】

你可能也會感興趣:

【香港離島一日遊 】必去慢活小島 坪洲

【香港離島一日遊】香港南極 蒲台島

________________________________________________________________________

參加不同國家主題#香港好去處#尋找旅行感 系列 的本地工作坊

歡迎旅人按link投稿分享您的獨家旅程+享有獨家優惠!

想計劃旅遊行程更加得心應手?早鳥登記我們最新動態!

LIKE Glide劃翔 Facebook 然後選擇「See First」盡享旅遊快訊!

FOLLOW Glide劃翔 Instagram 探索獨一無二旅遊行程!

SUBSCRIBE Glide劃翔 Youtube 觀賞精彩短片!


0 comments on “【鳳凰山行夜山推介】新手行夜山裝備和注意事項

Leave a Reply

Chinese (Traditional) English
%d bloggers like this: