工作坊

【2021情人節好去處 5大DIY工作坊推介】(女友視角篇)

《2021情人節 5大DIY手作工作坊推介》[女友視角篇] 上次介紹完男友視角篇嘅情人節禮物,今次就講下女友視角啦!相信臨近情人節,女仔們為咗諗送咩禮物畀男朋友都一樣諗到頭都痕。所以,Glide同樣為一眾女孩子們精心預備咗5大手工藝必去Workshop,等大家為情人節做好準備,免卻揀禮物嘅煩惱。手作禮物既獨特又有心思,啱晒女仔親手製作驚喜送畀男朋友,或者喺情人節前帶同男朋友一齊參加,創造屬只屬於你哋兩個人嘅共同回憶,係個唔錯嘅拍拖好去處!

今次Glide精選咗5大DIY工作坊俾細心既你表達心意!

文青 | 情侶工作坊 | 2021情人節好去處 | DIY工作坊

臨近情人節,女仔們為咗諗送咩禮物畀男朋友都一樣諗到頭都痕。Glide同樣為一眾女孩子們精心預備咗5大手工藝必去Workshop,等大家為情人節做好準備,免卻揀禮物嘅煩惱。手作禮物既獨特又有心思,啱晒女仔親手製作驚喜送畀男朋友,或者喺情人節前帶同男朋友一齊參加,創造屬只屬於你哋兩個人嘅共同回憶,係個唔錯嘅拍拖好去處! 

1. 台灣自選藍染體驗工作坊 — 放閃必備 為男朋友染出一片天💙

藍色係天空同大海嘅象徵,佢一向都係一種療癒嘅顏色。喺愛情入面,藍色代表住和平、永恆、忠誠及信任等,令人覺得平靜沉穩。如果想向男朋友表達你哋愛情入面嘅安穩幸福,不妨參加下使用天然物料嘅藍染工作坊,親手染出又靚又實用兼獨一無二嘅禮物,例如頸巾、細斜揹袋、筆袋、漁夫帽、T-Shirt等。

情侶兩個人一齊參加嘅話仲可以自己落手落腳染出唔同深淺程度嘅藍色,整件專屬你哋嘅情侶裝或者定情物,喺情人節放閃,羨煞旁人!

工作坊價錢:

體驗班(教授2個技巧,染小方巾或可自備一件純棉染材) $260/位 

基本班(教授4個技巧,可選布袋/頸巾/細斜揹袋/筆袋/iPad袋(2019 size)/漁夫帽/T-Shirt $370/位

上課時間:

體驗班 1小時

基本班 2小時

按此立即報名

按此了解工作坊詳情

2. 香港迷你地道小食黏土工作坊 — 捏出男朋友嘅喜好

你記唔記得男朋友平時鍾意食啲咩呢?雞蛋仔?凍檸茶?叉雞飯?煎釀三寶?如果將男朋友平時鍾意嘅港式食整成模型或者盒仔,俾佢知道你記得佢嘅喜好之餘,仲可以等佢收藏件的骰精繳嘅情景模型,適合晒鍾意儲模型嘅男仔。香港迷你地道小食黏土工作坊就幫到你!工作坊主要為微縮食玩配上相應場景,整成迷你港式點心食玩嘅禮物盒或者特色主題模型。女仔們可以用你嘅巧手為男朋友親手製作佢鍾意嘅食物模型,表達心意。

工作坊價錢:

微縮食玩飾物工作坊 $650/位

微縮食玩情景禮物盒仔/模型工作坊 $850/位

上課時間:2-3小時

按此立即報名

3. 香港霓虹燈藝術工作坊  — 令愛意喺黑夜中閃閃發亮😽

相信女仔們平時都有留意開只有字句或者圖案嘅霓虹燈禮物,但大家又有冇體驗過整自己嘅畫作配上自訂嘅霓虹燈圖案或句子呢?如果冇嘅話,呢個霓虹燈藝術工作坊就可以幫到你!工作坊會提供所有用具,等你可以隨意發揮你嘅小宇宙,用霓虹燈燈線同畫作扭出整成甜蜜字句,向男朋友表達你嘅愛,紀念彼此浪漫嘅感情。發光發閃嘅作品除咗送畀男朋友之外,更加可以用嚟做情人節嘅打卡道具,閃盲一眾單身狗XD

工作坊價錢:$350/位

上課時間:大約3小時

按此立即報名

4. 日式刺繡工作坊 — 為佢製作可以扣喺心口嘅襟針 長駐喺佢心頭

想長駐於男朋友嘅心係每個女仔嘅心願!咁不如試下參加日式刺繡工作坊,整個刺繡襟針,等男朋友可以扣喺心口,令佢時刻都惦掛住你!日式刺繡工作坊可以等你以一雙巧手用一針一線咁繡出小巧嘅作品,俾男朋友扣喺心口,同時喺男朋友面前突顯到你嘅溫柔細心~

工作坊價錢:$380/位

上課時間:大約3小時

按此立即報名

5. 土耳其馬賽克燈工作坊 — 拼湊你哋愛情故事嘅顏色 為愛情增添色彩

每種顏色都有佢獨特嘅寓意,例如白色代表浪漫同幻想,紅色代表溫暖窩心,紫色代表忠貞誠實,黃色代表光明同希望⋯⋯而喺愛情嘅世界,總係七彩繽紛、五味雜陳。如果想製作一件代表您同另一半之間嘅愛情故事,土耳其馬賽克燈會係個好好嘅選擇!土耳其燈係以多種顏色同唔同形狀馬賽克拼湊設計而成,你可以利用傳統土耳其圖騰紙樣,拼出色彩多變的幾何圖案,表達你同另一半愛情故事入面嘅顏色,表達感情入面嘅七彩繽紛,更可以為愛情增添色彩。

工作坊價錢:$320起,視乎馬賽克燈類型

上課時間:大約2-3小時,視乎選擇嘅燈泡尺寸

按此立即報名

按此了解工作坊詳情

睇完5個介紹之後,係咪已經心郁郁想畀個Surprise男朋友或者帶佢一齊嚟體驗當係拍拖活動呢!👩‍❤️‍👨係就快啲上Glide Market報名喇!📝

______________________________________________________________________

參加不同國家主題#香港好去處#尋找旅行感 系列 的本地工作坊

歡迎旅人按link投稿分享您的獨家旅程+享有獨家優惠!

想計劃旅遊行程更加得心應手?早鳥登記我們最新動態!

LIKE Glide劃翔 Facebook 然後選擇「See First」盡享旅遊快訊!

FOLLOW Glide劃翔 Instagram 探索獨一無二旅遊行程!

SUBSCRIBE Glide劃翔 Youtube 觀賞精彩短片!

0 comments on “【2021情人節好去處 5大DIY工作坊推介】(女友視角篇)

Leave a Reply

Chinese (Traditional) English
%d bloggers like this: