【梅窩一日遊】Glide帶大家去梅窩好去處！梅窩位於大嶼山東岸，屬於香港離島之一。 區內有銀礦灣瀑布 、銀礦洞、文武廟等古蹟及景點，仲有泳灘同郊遊徑俾大家盡情遊山玩水！肚餓又可以一嘗新鮮海鮮或者歎返個港女三層架下午茶，在中環乘大約四十分鐘 快船便可到達。相比起其他離島，梅窩相對恬靜同現代化，所以假期同朋友、伴侶或者屋企人去都喺唔錯嘅選擇！
香港離島 | 梅窩一日遊 | 梅窩好去處 | 梅窩景點 | 梅窩交通船期
梅窩行程攻略：
Glide帶你去梅窩一日遊！梅窩係個度假小鎮，區內有唔少景點，例如有銀礦灣泳灘、 銀礦洞、瀑布、郊遊徑等，行山又得，玩水又得，肚餓又可以食海鮮或者去BBQ，梅窩好去處足夠俾大家玩足一日！
📍第一站：海景海鮮大排檔 華記海鮮飯店
▶搭咗咁耐船嚟梅窩第一時間緊係要醫飽肚先啦！梅窩有好多以新鮮海產馳名嘅餐廳 ，華記海鮮飯店就係其中一間。呢間小店喺熟食中心入面，設有海邊雅座，可以一邊歎住海鮮一邊欣賞海景。而且食物價錢經濟實惠，有貴價海鮮、惹味小炒又有碟頭飯選擇，消費豐儉由人，小店招牌菜係豉椒炒蜆、椒鹽鮮魷同椒鹽瀨尿蝦，一場嚟到梅窩嘅不妨去試試～
地址：大嶼山梅窩碼頭熟食中心
【梅窩一日遊】梅窩好去處 銀礦灣 銀礦洞 － 圖片來源：kenytaste
📍第二站：文武廟
▶食飽飯就可以開始梅窩行程的第二站！只要經銀礦灣泳灘，按照指示牌就可以去坐落於白銀鄉隔離嘅文武廟。文武廟在明朝萬曆年間建成，有超過四百年歷史，為區內最古老嘅廟，比起香港開埠初期建立嘅上環文武廟仲要早二百幾年，係個相當有歷史價值古蹟！雖然呢座文武廟比起上環文武廟細，但內裏結構同規模都算完好無缺，主要供奉文帝同武帝。文武廟正門兩側仲有堯舜同岳飛故事嘅圖畫，象徵一文一武。如果大家想了解更多呢座文武廟嘅結構，不妨去參觀下～
地址：嶼山梅窩白銀鄉
【梅窩一日遊】梅窩好去處 銀礦灣 銀礦洞 － 圖片來源：m.a.t.t.cheung
📍第三站： 銀礦灣瀑布
▶去完文武廟，可以原路折返，去下一站睇銀礦灣瀑布。銀礦灣瀑布係香港其中一道容易去的瀑布，分為上下銀礦布， 只要跟指示牌經窩田村，行大約20分鐘就可以到達，途中完全唔使攀爬或者行山路，啱曬想憐香惜玉嘅男仔帶女朋友一齊去打卡，唔洗驚女朋友受傷！
順帶一提，前往途中仲有機會見到梅窩嘅水牛添！
地址：大嶼山梅窩銀礦灣瀑布
📍第四站：銀礦洞
▶睇完水流湍急嘅銀礦灣瀑布之後，可以行5分鐘左右上山睇銀礦洞。呢個鉛礦洞喺上世紀被發現礦石含有白銀，所以佢曾經用嚟開挖鉛礦，因而改名做銀礦洞。不過由於呢個10呎高嘅洞穴只係得返少量礦石，所以裏面已經停止對外開放。銀礦洞印證咗香港鉛礦歷史嘅發展，大家去到仍然可以喺洞外打卡影相留念。
【梅窩一日遊】梅窩好去處 銀礦灣 銀礦洞 － 圖片來源：IG @shibainu.sailo.0717
📍第五站：麥生記冰室 必食港女三層架下午茶
▶行完咁多路用曬啲腳骨力，呢個時候不妨歎返個港女下午茶抖下先！推介大家試下麥生記冰室嘅港女三層架下午茶！呢個港女下午茶同一般貴價酒店/西餐廳Tea Set唔同，係每一層都擺放住唔同嘅香港地道小食，有公司三文治、甜品、薯條等。咁貼地嘅三層架Tea Set相信可以喺體驗香港美食之餘，亦可以滿足晒你三個願望！正！
地址：大嶼山梅窩涌口街38F號地舖
【梅窩一日遊】梅窩好去處 銀礦灣 銀礦洞 － 圖片來源：IG @eatwithkcy
📍第六站：銀礦灣泳灘
▶銀礦灣泳灘係梅窩最出名嘅景點，處於銀礦灣西岸，以水質清澈聞名，同埋景色都好怡人㗎。泳灘同時有唔同嘅生物，喺水退時有機會見到寄居蟹走嚟走去，仲可以摸蜆添！相信晏晝去泳灘可以享受日光浴之餘兼摸蜆玩到黃昏，順便睇日落，喺夕陽下打卡。
沙灘後面仲設有燒烤場，全日開放，如果直落到夜晚喺嗰度BBQ埋都係個唔錯嘅選擇～
地址：大嶼山梅窩東灣頭路
【梅窩一日遊】梅窩好去處 銀礦灣 銀礦洞 － 圖片來源：IG @hkpa.camp
梅窩交通及船期
1）中環至梅窩 (六號碼頭)
船程：
普通船：船程 50至55分鐘
高速船：船程 35至40分鐘
船期查詢及收費：運輸處網站
2） 東涌至梅窩
東涌巴士總站搭3M巴士，車程大約45分鐘。
時間表、路線查詢及收費：新大嶼山巴士網站
想隨時緊貼旅行／本地行程
梅窩直立板yoga行程
【梅窩好去處】體驗SUP瑜珈＋梅窩美食遊！
去梅窩可以體驗SUP瑜珈又可以享受美食！水上瑜珈，又名槳板瑜伽SUP Yoga (stand up paddle yoga)，是站在直立板上練習瑜伽的活動。與普通瑜珈不同，把瑜珈帶到室外，真正與大自然融為一體，讓心靈得以從枯燥中釋放。今次glide會為大家介紹香港可以進行水上瑜珈的地方，以迎接初夏！同場加映: 梅窩手信推介~
你可能也會感興趣：
▶【梅窩一日遊】鏡粉留意！《調教你Mirror》9個拍攝場地打卡朝聖攻略
_______________________________________________________________
參加不同國家主題#香港好去處#尋找旅行感 系列 的本地工作坊
歡迎旅人按link投稿分享您的獨家旅程+享有獨家優惠！
想計劃旅遊行程更加得心應手？早鳥登記我們最新動態!
LIKE Glide劃翔 Facebook 然後選擇「See First」盡享旅遊快訊！
FOLLOW Glide劃翔 Instagram 探索獨一無二旅遊行程!
SUBSCRIBE Glide劃翔 Youtube 觀賞精彩短片！▶
0 comments on “【梅窩一日遊】梅窩好去處-必去打卡景點︰銀礦灣、銀礦洞”