📍第一站: Bulldog Hotdog 必食高質熱狗餐

單車遊一開始緊係要食啲野先有氣有力先可以應付一整日充實嘅行程啦！但因為一陣仲要留肚BBQ，所以唔可以食得太飽！同埋基於今次單車遊想喺大埔墟出發，今次就推介呢間喺大埔墟廣福道嘅美式熱狗店Bull Dog Hot Dog！呢間舖其中一個馳名嘅款式就係招牌熱狗，餡料自家製辣牛肉醬配紅腰豆，再有芝士粟米片同酸忌廉鋪面，令成個味道昇華晒！除左招牌熱狗外仲有其他唔同嘅餡料配搭，大家可以按照自己口味自由選擇，再加唔同小食！呢個美食套餐真係聽到都流晒口水!

地址：大埔廣福道60-62號地下C舖

• 

• 

Bulldog Hotdog Openrice

📍第二站：大埔單車遊至大美督

前往大美督最好嘅方法就係踩單車～如果想租單車嘅話，大家可以喺大埔市中心入面租車，例如喺廣福道就有幾間租單車鋪；或者選擇借用共享單車LocoBike(樂區踩)。租完單車之後就可以喺大埔海濱公園出發，圍繞吐露港由大埔汀角路踩去目的地大美督，途中就經過同大埔工業邨。喺前往途中，仲可以喺吐露港打卡添！

到達大美督後，燒烤場隔離有條小路可以畀大家向上行，嗰度就係達船灣淡水湖嘅大水壩。

單車路線：大埔海濱公園 → 大埔工業邨 → 大美督堤壩，全長約九公里，路程大約90分鐘

📍第三站: 大美督燒烤場BBQ

踩咗個半鐘單車終於嚟到大美督，嚟又點少得BBQ～大美督有兩個公眾燒烤場，一個係由食環署管理，喺停車場附近，總共有40組燒烤爐連枱凳；另一個係由漁農署管理嘅燒烤場，喺白普理賽馬會大美督青年旅舍附近，總共有65組燒烤爐。大家可以自行攜帶野食同用具嚟又得，喺呢度士多買燒烤包亦得。 同埋燒烤場對出就係吐露港，一邊燒烤一邊歎住海景，十分之寫意～

除咗公眾燒烤場之外，大家亦可以選擇去私營嘅燒烤場，例如大美督麥師傅燒烤場去BBQ!

📍第四站: 當風扇遇上風 — 主壩上放風箏

BBQ完之後又係時候玩下喇～大美督一向都係放風箏勝地，因為呢個地方遠離繁囂嘅市區，所以呢度可以話係香港罕有嘅強風帶。淡水湖壩風夠大、地方夠空曠，就算未放過風箏，都好大機會會喺呢度成功玩到，享受「風箏與風」，好有滿足感～

📍第五站: 船灣淡水湖划艇 — 情侶、好姐妹必玩嘅水上活動

玩完風箏仲意猶未盡？划艇出海共度浪漫時光都係個唔錯嘅選擇！燒烤場側邊嘅士多都有提供租艇服務，有得選擇二人座位或者四人座位，而且仲有救生衣提供畀啲唔熟水性嘅朋友！

大美督一次過畀俾你玩盡海陸空唔同體驗，係個唔可以錯過嘅玩樂佳地！快啲約埋好朋友一齊去玩下啦～

交通:

去程：於大埔墟租單車前往大美督

回程：

於大美督返回大埔墟火車站

• 20C專線小巴 (每天服務) 或
• 75K巴士 (每天服務) 或
• 275R巴士 (只於假日上午至黃昏服務)

想隨時緊貼旅行／本地行程

---

你可能也會感興趣：

【香港離島一日遊】鴨脷洲 體驗舊香港風情

【香港離島一日遊】香港南極 蒲台島

_______________________________________________________________

參加不同國家主題#香港好去處#尋找旅行感 系列 的本地工作坊

歡迎旅人按link投稿分享您的獨家旅程+享有獨家優惠！

想計劃旅遊行程更加得心應手？早鳥登記我們最新動態!

LIKE Glide劃翔 Facebook 然後選擇「See First」盡享旅遊快訊！

FOLLOW Glide劃翔 Instagram 探索獨一無二旅遊行程!

SUBSCRIBE Glide劃翔 Youtube 觀賞精彩短片！