【赤柱一日遊: 景點攻略】赤柱位於香港島南區赤柱半島，淺水灣以東、石澳以西，係一個充滿香港殖民時代特色嘅小地方。赤柱呢個名嘅由來相傳係以前呢度嘅木棉樹睇落好似紅色嘅柱，至於英文Stanley就係用咗以前一個英國殖民地時代輔政司嘅名。大家可能覺得赤柱只係遊客先會去，但其實佢係香港歷史入面存在好重要嘅地位，亦都係英國統治時代最早期嘅香港島首府。 而今次Glide會帶大家去赤柱一日遊，一文睇曬赤柱五大打卡/影相/拍拖好去處，仲有交通指南添！

📍第一站: 影相打卡必去 – 美利樓

相信大家都對美利樓呢個名唔陌生，而對於鍾意影相打卡嘅朋友仔，美利樓絕對係入赤柱其中一個必去嘅影相打卡好去處！ 美利樓屬於赤柱廣場嘅範圍，擁有維多利亞時期特色嘅建築物係香港已經遷拆得七七八八，而美利樓正正就係保留咗呢種舊香港色彩嘅產物。雖然依家位於赤柱嘅美利樓係由以前中環嘅美利樓重建而成，但建築物嘅結構都大約保留咗原址嘅味道，影相打卡絕對一流。加上入面仲有餐廳同H&M，行到攰入去食個飯、睇下衫可以話冇得彈！

地址：赤柱大街96號 (查看地圖)

• 

• 

📍第二站: 拍拖睇日落 -卜公碼頭

去完美利樓影相打卡，赤柱一日遊又點少得去赤柱卜公碼頭。佢同美利樓一樣，建築風格都係貼近維多利亞時期，而作為前身為中環舊海旁嘅畢打碼頭，搬遷去到赤柱嘅卜公碼頭還原咗當年舊碼頭嘅面貌，現時上蓋嘅桁架更擁有100年歷史。除咗欣賞碼頭嘅建築特色，其實呢個地方仲係一個拍拖睇日落嘅佳地！如果就啱黃昏時間，同男女朋友拍拖喺走之前嚟多次卜公碼頭必定更浪漫，更有feel！如果一邊喺卜公碼頭睇住日落一邊同女朋友情深款款咁講句：「你是最好的，你知道嗎？」相信對方一定冧到暈～

地址：赤柱灣卜公碼頭 (查看地圖)

• 

📍第三站: 食野打卡好去處 – 赤柱大街

喺靚靚嘅卜公碼頭影完相之後就可以沿路行返出赤柱大街～呢條街係香港島南部著名嘅酒吧街，所以平時都會有好多外國人喺呢度聚腳。而上面嘅濱海餐廳主要係食歐式料理，有一籮籮美食，建築風亦算係西式，異國風情嘅味道即刻出晒嚟，唔講仲以為去歐遊添！唔好以為嚟到赤柱大街一定要食野，其實行到攰入去酒吧chill下或者純粹過嚟打下卡感受下異國嘅氣氛都可以好enjoy～

• 

📍第四站: 熱門景點- 赤柱市集

嚟到赤柱又點可以唔行熱門景點–赤柱市集！呢度除咗有手工藝品、紀念品買，仲有好多由赤柱原居民經營嘅特色小店，想過嚟體驗下文青feel同藝術氣息，赤柱市集必定係唔可以錯過嘅景點！不過提下大家，好多舖頭都係講明唔畀影相架，所以大家記住唔好隨便影相喇！

開放時間: 星期一至日 10:00 – 19:00

地址：赤柱市場道6號赤柱市政大廈 (查看地圖)

• 

📍第五站: 打卡香港法定古蹟 – 舊赤柱警署

你可能會問警署有咩好睇… 但呢個警署唔講唔知，其實呢棟建築係香港現存歷史最悠久嘅警察建築物，有超過100年嘅歷史，淨係睇外形就知呢棟建築充滿英國殖民時代嘅特色，同依家嗰啲相比真係天壤之別，話晒都經歷過香港百年嘅風風雨雨，有一定嘅歷史價值。鍾情舊香港建築嘅朋友一定要嚟一次呢度打卡！

地址：赤柱村道88號 (查看地圖)

赤柱其他影相打卡好去處~

• 

• 

---

赤柱交通指南

在中環/尖沙咀/ 銅鑼灣前往赤柱嘅方法：

1. 中環至赤柱廣場
   在港鐵香港站D出口步行至中環交易廣場巴士總站，搭乘6、6A、 6X、66號巴士，於佳美道、赤柱廣場或者赤柱村道落車。
2. 尖沙咀至赤柱廣場
   在尖沙咀廣東道的新港中心外，搭乘973號巴士，於佳美道、赤柱廣場或者赤柱村道落車。
3. 銅鑼灣至赤柱村道
   在港鐵銅鑼灣站F1出口步往渣甸街SOGO百貨，搭乘40號綠色專線小巴，於赤柱村總站落車。

前往赤柱仲有其他路徑，詳情可以參考返赤柱廣場網頁

想隨時緊貼旅行／本地行程

---

你可能也會感興趣：

▶【香港離島一日遊】鴨脷洲 體驗舊香港風情

▶【香港離島一日遊】香港南極 蒲台島

_______________________________________________________________

參加不同國家主題#香港好去處#尋找旅行感 系列 的本地工作坊
歡迎旅人按link投稿分享您的獨家旅程+享有獨家優惠！
想計劃旅遊行程更加得心應手？早鳥登記我們最新動態！
LIKE Glide劃翔 Facebook 然後選擇「See First」盡享旅遊快訊！
FOLLOW Glide劃翔 Instagram 探索獨一無二旅遊行程！