郊遊行程

【香港一日遊】赤柱一日遊 — 異國風情海灣

【香港赤柱一日遊:異國風情海灣】赤柱位於香港島南區赤柱半島,淺水灣以東、石澳以西,係一個充滿香港殖民時代特色嘅小地方。赤柱呢個名嘅由來相傳係以前呢度嘅木棉樹睇落好似紅色嘅柱,至於英文Stanley就係用咗以前一個英國殖民地時代輔政司嘅名。大家千祈唔好睇小赤柱呢個地方,其實佢係香港歷史入面存在好重要嘅地位,亦都係英國統治時代最早期嘅香港島首府。入面嘅建築最遠經已可以追溯到1859年,足足超過100年歷史,絕對係文青唔可以錯過嘅打卡好地點,而且仲係情侶嘅拍拖好去處!

赤柱位於香港島南區赤柱半島,淺水灣以東、石澳以西,係一個充滿香港殖民時代特色嘅小地方。赤柱呢個名嘅由來相傳係以前呢度嘅木棉樹睇落好似紅色嘅柱,至於英文Stanley就係用咗以前一個英國殖民地時代輔政司嘅名。今次Glide帶大家去赤柱一日遊!一文睇曬所有赤柱所有好去處!

香港好去處2021 丨 香港 打卡 好 去處 丨 赤柱一日遊 丨 赤柱好去處

香港好去處2021:赤柱一日遊】大家可能覺得赤柱只係遊客先會去,但其實佢係香港歷史入面存在好重要嘅地位,亦都係英國統治時代最早期嘅香港島首府。如果要去赤柱一日遊,可以留意下入面嘅歷史建築,最遠經已可以追溯到1859年,足足超過100年歷史!絕對係文青唔可以錯過嘅打卡好地點,而且仲係情侶嘅拍拖好去處!

香港好去處2021 -【赤柱一日遊 - 赤柱好去處

📍第一站 美利樓

相信大家都對美利樓呢個名唔陌生,而對於鍾意打卡嘅朋友仔,美利樓絕對係入赤柱其中一個必去嘅打卡熱點! 美利樓屬於赤柱廣場嘅範圍,擁有維多利亞時期特色嘅建築物係香港已經遷拆得七七八八,而美利樓正正就係保留咗呢種舊香港色彩嘅產物。雖然依家位於赤柱嘅美利樓係由以前中環嘅美利樓重建而成,但建築物嘅結構都大約保留咗原址嘅味道,打卡絕對一流。加上入面仲有餐廳同H&M,行到攰入去食個飯、睇下衫可以話冇得彈!

地址:赤柱大街96號

香港好去處2021 -【赤柱一日遊 - 赤柱好去處

📍第二站 卜公碼頭

行完美利樓,再行前少少就係赤柱卜公碼頭。佢同美利樓一樣,建築風格都係貼近維多利亞時期,而作為前身為中環舊海旁嘅畢打碼頭,搬遷去到赤柱嘅卜公碼頭還原咗當年舊碼頭嘅面貌,現時上蓋嘅桁架更擁有100年歷史。除咗欣賞碼頭嘅建築特色,其實呢個地方仲係一個睇日落嘅佳地!如果就啱黃昏時間,同男女朋友拍拖喺走之前嚟多次卜公碼頭必定更浪漫,更有feel!如果一邊喺卜公碼頭睇住日落一邊同女朋友情深款款咁講句:「你是最好的,你知道嗎?」相信對方一定冧到暈~

地址:赤柱灣卜公碼頭

📍第三站 赤柱大街

喺靚靚嘅卜公碼頭留完倩影之後就可以沿路行返出赤柱大街~呢條街係香港島南部著名嘅酒吧街,所以平時都會有好多外國人喺呢度聚腳。而上面嘅濱海餐廳主要係食歐式料理,有一籮籮美食,建築風亦算係西式,異國風情嘅味道即刻出晒嚟,唔講仲以為去歐遊添!唔好以為嚟到赤柱大街一定要食野,其實行到攰入去酒吧chill下或者純粹過嚟打下卡感受下異國嘅氣氛都可以好enjoy~

📍第四站 赤柱市集

嚟到赤柱又點可以少得行赤柱市集!呢度除咗有手工藝品、紀念品買,仲有好多由赤柱原居民經營嘅特色小店,想過嚟體驗下文青feel同藝術氣息,赤柱市集必定唔可以錯過!不過提下大家,好多舖頭都係講明唔畀影相架,所以大家記住唔好隨便影相喇!

地址:赤柱市場道6號赤柱市政大廈

香港好去處2021 -【赤柱一日遊 - 赤柱好去處

📍第五站 舊赤柱警署

要講到打卡位又點少得舊赤柱警署,唔講你唔知,其實呢棟建築係香港現存歷史最悠久嘅警察建築物,足足喺香港起咗超過100年,淨係睇外形就知呢棟建築充滿英國殖民時代嘅特色,同依家嗰啲相比真係天壤之別,話晒都經歷過香港過百年嘅風風雨雨,有佢一定嘅歷史價值。鍾情舊香港建築嘅朋友一定要嚟一次呢度打卡!

地址:赤柱村道88號


赤柱交通

前往赤柱嘅交通:

  1. 中環至赤柱廣場
    喺港鐵香港站D出口步行至中環交易廣場巴士總站,搭乘6、6A、 6X、66號巴士,喺佳美道、赤柱廣場或者赤柱村道落車。
  2. 尖沙咀至赤柱廣場
    喺尖沙咀廣東道的新港中心外,搭乘973號巴士,喺佳美道、赤柱廣場或者赤柱村道落車。
  3. 銅鑼灣至赤柱村道
    喺港鐵銅鑼灣站F1出口步往渣甸街SOGO百貨,搭乘40號綠色專線小巴,於赤柱村總站落車。

前往赤柱仲有其他路徑,詳情可以參考返赤柱廣場網頁


你可能也會感興趣:

【香港離島一日遊】鴨脷洲 體驗舊香港風情

【香港離島一日遊】香港南極 蒲台島

_______________________________________________________________

參加不同國家主題#香港好去處#尋找旅行感 系列 的本地工作坊
歡迎旅人按link投稿分享您的獨家旅程+享有獨家優惠!
想計劃旅遊行程更加得心應手?早鳥登記我們最新動態!
LIKE Glide劃翔 Facebook 然後選擇「See First」盡享旅遊快訊!
FOLLOW Glide劃翔 Instagram 探索獨一無二旅遊行程!

0 comments on “【香港一日遊】赤柱一日遊 — 異國風情海灣

Leave a Reply

%d bloggers like this: