唔知大家有冇試過行夜山睇日出呢？鳳凰山係香港睇日出嘅好地方，今次就等Glide帶大家去「鳳凰觀日」，夜登香港第二高峰 ── 鳳凰山，一睹香港最美的日出！
鳳凰山日出丨鳳凰觀日丨行夜山裝備丨行夜山注意丨行夜山推介丨行夜山路線
【鳳凰山行夜山路線推介】 雖然鳳凰山有934米高，但相比起大東山，路徑比較簡單。想「鳳凰觀日」有兩種方法，一種是到大嶼山昂坪營地扎營過夜，而另一種就是今次要介紹的行夜山，行夜山嘅好處就係可以避開強烈嘅太陽光，唔使行到滿頭大汗，而且新手只要配合合適的行夜山裝備及留意晚上行山的注意事項就可以出發去鳳凰山睇日出 啦！
新手行夜山裝備及注意事項
新手行夜山除咗要帶備地圖、指南針等基本的行山裝備，仲要留意由於行山路段非常昏暗，所以必定要帶電筒或者頭燈，唔好淨係依賴手機上的電筒功能，以及最好穿著有反光物料的衣物，以防萬一！加上山頂風大，一定要記得帶防風衣物同保暖外套。最後，要謹記切勿一個人獨自行夜山！
1. 電筒/頭燈
2. 防風衣物和保暖外套
3. 水和乾糧
📍11:30pm 出發行夜山-東涌乘搭巴士到伯公坳
前往鳳凰山有幾個方法，其中一種喺東涌巴士站乘坐大嶼山巴士3M，之後喺伯公坳站落車，記得出發前要注意尾班車時間！而巴士站旁邊有流動廁所，雖然衛生情況一般，但呢個係上山前最後的機會，去完廁所之後就可以直接開始行上山啦~
大嶼山巴士3M時間表:
鳳凰山日出 – 圖片來源: 新大嶼山巴士
📍12:15pm 開始行鳳凰山徑
呢一段路線係鳳凰徑第3段，約4.5公里，由伯公坳為起點，單程需時大概2.5小時。呢一條路徑比較明顯及開陽，可以遠望香港國際機場飛機嘅升降，又可以望到香港的第三高峰大東山。行到攰嘅時候，隨便搵個地方坐都會望到好靚嘅景色。
鳳凰山日出 – Credit: IG @Keiderek
📍02:45am 抵達鳳凰山山頂
抵達鳳凰山山頂之後，可以喺山頂嘅涼亭休息，靜候日出。如果你有足夠嘅保暖衣物，更加要把握時間喺鳳凰山山頂觀星，同埋影相！喺香港都可以影到滿天星星嘅相㗎~
鳳凰山日出 – Credit: IG @Jesterchantc
📍06:45am 鳳凰山觀日出
太陽升起嘅時候，成個山頭都會變成金黃色。之前一日可以預備一啲簡單嘅早餐，咁就可以一邊睇日出一邊嘆早餐啦！
📍08:00am 睇完日出 準備落山
睇完日出之後就可以準備落山，如果唔想行返回頭路嘅話，可以選擇由鳳凰山頂行返落昂坪市集。呢一條路線比較快捷，但係梯級比較陡峭，沿途沒有太多休息的位置，不過勝在有樹陰，可以暫時避過慢慢變得刺眼嘅陽光。全程大概1至1.5小時就可以抵達昂坪市集。
📍09:15am 抵達心經簡林
抵達昂坪市集之前，會經過心經簡林，國學大師饒宗頤教授將整篇《心經》都刻喺園林上邊嘅木柱，非常有特色同埋值得一睇！
鳳凰山日出 – Credit: IG @lwysssss
📍09:30am 抵達昂坪市集
昂坪市集嘅洗手間都非常衛生，有需要嘅話可以離開之前使用。係搭巴士離開之前，可以喺市集坐低食返碗豆腐花。
鳳凰山日出 – Credit: IG @eaturday
想隨時緊貼旅行／本地行程
你可能也會感興趣：
________________________________________________________________________
參加不同國家主題#香港好去處#尋找旅行感 系列 的本地工作坊
歡迎旅人按link投稿分享您的獨家旅程+享有獨家優惠！
想計劃旅遊行程更加得心應手？早鳥登記我們最新動態！
LIKE Glide劃翔 Facebook 然後選擇「See First」盡享旅遊快訊！
FOLLOW Glide劃翔 Instagram 探索獨一無二旅遊行程！
SUBSCRIBE Glide劃翔 Youtube 觀賞精彩短片！
0 comments on “【鳳凰山日出】新手行夜山裝備+注意事項”