拍拖唔知去邊好？今次Glide帶大家去觀塘一日遊，精選六個觀塘拍拖好去處 ，情侶除咗可以影相放下閃，仲可以參加DIY工作坊、打卡日式cafe，兼有特色的工廈商場可以行街shopping，一定唔洗驚會悶親另一半！依家就一齊嚟睇下觀塘情侶拍拖打卡好去處啦~
觀塘一日遊 | 觀塘好去處 | 觀塘情侶拍拖打卡 | 觀塘工作坊 | 觀塘日式cafe
講起觀塘，除左交通樞紐、工廠大廈之外，你又諗到啲咩？除咗樂華邨藍色隧道、志明橋，觀塘其實仲有好多值得去嘅情侶拍拖好去處！既可以影相打卡，又可以行街shopping、參加DIY工作坊，想知放假拍拖有咩做，就快啲mark低下面嘅觀塘一日遊行程啦！
📍第一站：拍拖野餐好去處 – 佐敦谷公園
位於新清水灣道嘅佐敦谷公園，係成個觀塘區最大嘅公園 。唔講唔知，佢前身係佐敦谷堆填區，後來因為鄰近民居而被改建為綠化公園。依家嘅佐敦谷公園已經冇晒過去嘅痕跡，取而代之係中央一個超大嘅綠油油草地，你想野餐、曬太陽、甚至碌草地都可以㗎！環境清幽又唔洗同人逼，而且佢仲有園藝教育中心同溫室等你探索，啱囇小情侶嚟拍拖行下，就最寫意啦！
地址：觀塘新清水灣道71號 (查看地圖)
交通：
九巴：23, 23M, 26, 26M, 27, 29M, 42, 91, 91M, 92, 95
專線小巴：12, 47, 48, 49, 54, 54S, 60, 104
觀塘一日遊情侶打卡點 第一站 情侶打卡位： 佐敦谷公園 圖片來源：Wikipedia\
📍第二站：打卡日式cafe – TORIO喫茶部
做完戶外活動，梗係要去填飽個肚先！如果你唔想約會食得馬虎，就唔好錯過呢間觀塘 嘅日式cafe，喫茶館既意思係日本本土風味嘅咖啡室，主調以木質傢俬佈置，營造一個俾客人放鬆閒聊嘅小空間！TORIO喫茶部主要提供日系輕食，例如咖喱飯、沙律、Pancake、特色飲品等，精緻嘅擺盤一定能贏下女孩嘅心❤️！
觀塘一日遊情侶打卡點 第二站 情侶打卡位： Torio 喫茶部 圖片來源：toriokissabu
📍第三站：觀塘特色工作坊
近年有唔少人係觀塘工業區創業，開辦各式各樣嘅DIY工作坊。係一個情侶打卡位之餘，又可以消磨一下時間，留下二人專屬嘅共同回憶，仲有咩sweet得過同自己心愛嘅人一齊落手落腳製作獨一無二既紀念品啊！
1 ) 柔漓樹脂藝術工作坊
地址：觀塘觀塘道創紀之城五期15/F 1501B室 (查看地圖)
依家上Glide Market可以睇到更多資料及預約！
2 ) 土耳其馬賽克燈工作坊
地址：觀塘駿業里8號世貿大樓705室 (查看地圖)
依家上Glide Market可以睇到更多資料及預約！
觀塘一日遊情侶打卡點 第三站 情侶打卡位： 柔漓樹脂工作坊 圖片來源： lovemyarts
📍第四站：觀塘海濱公園
既然入左觀塘工廠區，就唔爭在行多幾步，同另一半去觀塘海濱公園睇埋個日落啦! 海濱長廊長逾1,000米，有好多遊樂、健身設施同觀景亭，周末仲會有年輕人進行busking等街頭表演！夕陽餘暉下，兩個人拖住手係海邊漫步，仲自帶背景音樂，氣氛啱啱好！
地址：觀塘海濱道80號 (查看地圖)
觀塘一日遊情侶打卡點 第四站 觀塘海濱公園 圖片來源：ekeo.gov.hk
📍第五站：工廈商場行街shopping – 駱駝漆大廈
由觀塘海濱經開源道向觀塘港鐵站方向往回走，就會經過巨型工廈式商場——駱駝漆大廈。佢總共分為三座，裏面不同類型的小店，如新潮美妝品、服飾、葡萄酒、手工啤酒、露營裝備等等五花八門嘅商品。由於工廈嘅單位租金較低，話唔定可以買到價廉物美嘅佳品添！除左商店外，大廈仲有唔少餐廳，建議搭升降機到頂樓後，慢慢逐層掃落去~
地址：九龍觀塘開源道60至62號
📍第六站：宮崎駿動畫主題 Donguri Republic橡子共和國 (期間限定店)
食完晚飯仲想見多陣嘅話，一於去商場APM行下街啦！觀塘一日遊情侶打卡好去處既第6站就係Donguri Republic橡子共和國嘅APM限定店⌛。店內有龍貓、千與千尋、魔女宅急便等嘅毛公仔、鎖匙扣、毛巾、文具、筆記簿同行事曆！如果知道另一半鍾意宮崎駿動畫系列，就千其唔好錯過啦！
地址：九龍觀塘創紀之城 5期 APM 1 樓 23號舖 (查看地圖)
營業時間：星期一至日中午12時至晚上9時
觀塘一日遊情侶打卡點 第六站 情侶好去處： Donguri Republic 橡子共和國 圖片來源：Gotrip
想隨時緊貼旅行／本地行程
你可能會喜歡：
______________________________________________________________________
參加不同國家主題#香港好去處#尋找旅行感 系列 的本地工作坊
歡迎旅人按link投稿分享您的獨家旅程+享有獨家優惠！
想計劃旅遊行程更加得心應手？早鳥登記我們最新動態！
LIKE Glide劃翔 Facebook 然後選擇「See First」盡享旅遊快訊！
FOLLOW Glide劃翔 Instagram 探索獨一無二旅遊行程！
SUBSCRIBE Glide劃翔 Youtube 觀賞精彩短片！
0 comments on “【觀塘一日遊】六個情侶拍拖好去處、特色工作坊、打卡日式cafe”