2021情人節 5大DIY手作工作坊推介[男友視角]
香港好去處 放鬆心情型 文青型

【2021情人節好去處 5大DIY工作坊推介】(男友視角篇)

《2021情人節 5大DIY手作工作坊推介》[男友視角篇] 仲有一個月左右就到一年一度嘅情人節,唔知各位男士諗好送咩禮物畀另一半未呢?計小編話,單單買份禮物未免太平平無奇,唔足夠表達心意;但如果喺情人節送份親手製作精美嘅禮物,女朋友收到一定冧爆❣️所以Glide為廣大男士們精選咗5大工作坊,為另一半製造驚喜🎉,又或者帶同伴侶參加👫,一齊體驗成個製作過程。所有工作坊都係由專業又耐心嘅導師帶領同示範,絕對適合新手參加。唔講咁多,等我哋即刻睇下有邊5個工作坊啦!

今次Glide精選咗5大DIY工作坊俾細心既你表達心意!

文青 | 情侶工作坊 | 2021情人節好去處 | DIY工作坊

情人節單單買份禮物未免太平平無奇,唔足夠表達心意;但如果喺情人節送份親手製作精美嘅禮物,女朋友收到一定冧爆! 所以Glide為廣大男士們精選咗5大DIY工作坊,為另一半製造驚喜,又或者帶同伴侶參加👫,一齊體驗成個製作過程。所有工作坊都係由專業又耐心嘅導師帶領同示範,絕對適合新手參加。唔講咁多,等我哋即刻睇下有邊5個工作坊啦!

1. 土耳其馬賽克燈工作坊 — 拼湊你哋愛情故事嘅顏色 為愛情增添色彩

每種顏色都有佢獨特嘅寓意,例如白色代表浪漫同幻想,紅色代表溫暖窩心,紫色代表忠貞誠實,黃色代表光明同希望⋯⋯而喺愛情嘅世界,總係七彩繽紛、五味雜陳。如果想製作一件代表您同另一半之間嘅愛情故事,土耳其馬賽克燈會係個好好嘅選擇!土耳其燈係以多種顏色同唔同形狀馬賽克拼湊設計而成,你可以利用傳統土耳其圖騰紙樣,拼出色彩多變的幾何圖案,表達你同另一半愛情故事入面嘅顏色,表達感情入面嘅七彩繽紛,更可以為愛情增添色彩。

工作坊價錢:$320/位 起,視乎馬賽克燈類型
上課時間:大約2-3小時,視乎選擇嘅燈泡尺寸

按此立即報名

按此了解更多工作坊詳情

2. 意大利藝術雕刻蠟燭工作坊 — 漆黑中為女友燃起一點光🪔

蠟燭雕刻手工藝術絕對會令女朋友讚歎著迷!裝飾藝術蠟燭雕刻工作坊喺香港極為罕見,當中嘅顏色搭配丶人手雕刻丶蠟燭外圍嘅刻意扭曲能夠令4至5吋高嘅蠟燭核心嘅光芒可以好似萬花筒一樣,做出千變萬化嘅可能性,成為獨一無二嘅裝置藝術情人節禮物。藝術蠟燭仲配備內置嘅LED燈,保持每一件藝術蠟燭的恆久美麗,而且更加可以向女朋友「藉着蠟燭說愛你」,喺漆黑中為佢燃起一點光,表達永恆嘅愛意~

工作坊價錢:$850/位
上課時間:大約3-4小時,視乎個人進度

按此立即報名

3. 日式木餐具工作坊 — 我現時自己肯食飯 成為女友嘅專屬飯腳

如果女朋友鍾意實用又襟用嘅禮物,相信送一套自己做嘅木餐具就最適合不過喇!木工體驗工作坊主要係製作兩件餐具組合。作品可以選擇製作筷子、匙羹、叉、牛油刀、雙頭餐具或者露營餐具組合都得。工作坊仲有埋免費刻名服務同埋附送埋木盒存放餐具,男士們可以刻上女朋友愛的名字,咁樣你哋嘅BB豬每當食飯都會有你嘅愛陪住,成為女友嘅專屬飯腳🍴

工作坊價錢:$450/位,$810/2位
上課時間:大約2-3小時

按此立即報名

按此了解工作坊詳情

4. 香港霓虹燈藝術工作坊 — 製作獨一無二嘅愛的宣言

相信普遍男士們都係內斂嘅怕醜仔,平時都好少將甜言蜜語掛喺嘴邊同女朋友講,咁不如試下用霓虹燈配上自己嘅畫作表達出嚟?呢個霓虹燈藝術工作坊就可以幫到你!工作室會提供所有用具,等你可以隨意發揮你嘅小宇宙,用霓虹燈同畫作整成甜蜜字句,向女朋友表達你嘅愛!

工作坊價錢:$350/位
上課時間:大約3小時

按此立即報名

5. 日本柔漓樹脂首飾工作坊 — 時時刻刻都有你陪伴

作為男朋友就緊係想無時無刻都陪住女朋友㗎啦!咁不如參加柔漓樹脂首飾工作坊,按照女朋友嘅喜好整件靚靚飾品,用你嘅愛陪住佢!工作坊首飾選擇包括頸鏈、戒指、耳環等,絕對滿足到女仔對飾品嘅愛好!

工作坊價錢:$440/位,$800/2位
上課時間:大約1小時30分鐘

按此立即報名

如果你都想畀個Surprise女朋友仔或者帶心上人一齊嚟體驗,

係就快啲上Glide Market報名喇!

______________________________________________________________________

參加不同國家主題#香港好去處#尋找旅行感 系列 的本地工作坊

歡迎旅人按link投稿分享您的獨家旅程+享有獨家優惠!

想計劃旅遊行程更加得心應手?早鳥登記我們最新動態!

LIKE Glide劃翔 Facebook 然後選擇「See First」盡享旅遊快訊!

FOLLOW Glide劃翔 Instagram 探索獨一無二旅遊行程!

SUBSCRIBE Glide劃翔 Youtube 觀賞精彩短片!

0 comments on “【2021情人節好去處 5大DIY工作坊推介】(男友視角篇)

Leave a Reply

%d bloggers like this: